【職場熱話】見工時講嘅人工同簽約唔同！你會點做？網民：少咗絕對唔簽！

2024-07-04

打工仔搵工不外乎想尋求最好的薪酬和工作環境，本身面試時好好的，但到簽約時竟發現人工與之前所說的不同！這是被騙嗎？如果各位求職者面對如此情況，又會怎樣應對？

延伸閱讀：【見工面試】點解HR咁鍾意問真空期做過乜？冇做嘢一年要點解釋？

有網民在社交媒體專頁「奴工處」上投稿，指自己正正遇上上述情況，不過他已經辭了原本的工作，如果不約簽返新工，就會突然變成了「裸辭」大失預算！可是，人工與之前所說的不同，這間公司的誠信又是否有問題呢？真正簽約後又會否有其他問題……

即睇事主分享及網民回應：（按圖了解）

+15

+14

事主：「有冇人試過見工時講嘅人工，同最後簽約嘅人工唔同？但我已經辭咗原本份工，可以點拆？」

網民：「HR講嘅就係證據！」

網民：「細個嘅時候可能會因為驚而唔出聲，依家人大咗唔會畀自己受委屈，有咩直接出聲。」

網民：「所以，未白紙黑字簽咗約前都唔好辭份工。」

網民：「多咗我唔介意，但少咗絕對唔簽。」

網民：「再搵過第二份。」

網民：「咁下次就簽咗約先劈炮喇。」

網民：「但通常入職先簽約，新工好少會等你一個月。」

網民：「口頭承諾都係承諾。」

網民：「睇吓差幾多囉。」

網民：「簽咗合約都話回收offer，有冇得找勞工處幫你？同HR講合約內人工有careless，然後回述當時的對答。」

網民：「我都試過咁嘅情況，但最後簽約時人工多咗，職位又高咗一級。」

網民：「直接問原本面試係咁多點解而家唔同？」

網民：「我有，但係我見唔係差好多，所以照做。」

網民：「有！仲要返咗3日工先簽約！個老細叫個下屬同我講合約，一睇人工唔啱，佢話老細係咁講，我話唔係！我死唔肯簽！lunch 不停叫我做嘢！我最憎！然後佢又叫我做埋啲唔係我工作範圍嘅嘢！落倉又無得 claim 錢！由尖沙咀去南區……痴線！我最後係放工擺低張 key card 走人！佢都預咗我唔返！3日人工都蝕畀佢。」

網民：「係好多工都係Day 1返工先簽約，就算辭職前唔簽約先，都要有black & white 嘅offer，如email、WhatsApp。」

應該怎樣開口？
一些網民表示在面對這種情況時，會選擇直接問HR為何人工有所變動，並請求解釋。建議事主在詢問時要注意保持冷靜和禮貌，並將之前的對話和承諾向HR提出，以便更有力地討論。

另一方面，也有網民指出，如果人工有重大差異，他們絕對不會簽約，並選擇尋找其他機會。有些網民提醒大家，預先簽約前應該確保有明確的書面offer，以避免後續的爭議。無論如何，保持冷靜、尊重和溝通是處理這種情況的關鍵。

延伸閱讀：【見工面試】點解HR咁鍾意問真空期做過乜？冇做嘢一年要點解釋？

+21

+20