Next
【返工血淚史】隧道突塞車致遲到10分鐘 老闆：點解唔落車轉車？
【返工血淚史】隧道突塞車致遲到10分鐘 老闆：點解唔落車轉車？
2023-10-16
上班時分，每個人仍未睡醒的身軀如臨大敵，務求破除萬難，準時在早上9點正抵達辦公室大門。即使大部分人的上班習慣早已定，但間中總會碰上意外，打亂上班行程。本港每天約有4成人使用港鐵服務，但同時有逾3成人每日使用專營巴士服務，而後者則較容易受路面交通意外影響。最近，有名打工仔到「香港討論區」發文，指自己每天均會使用取道城門隧道的巴士上班，但某天突然交通異常擠塞，無奈遲到10分鐘，怎料老闆大發雷霆，哭訴感到委屈。
延伸閱讀：【職場熱話】搭車多過三個鐘 最遠返工距離大賽？ 「人生啲時間就係咁燒晒」
即睇事主分享及網民回應：（按圖了解）
事主：有日城隧唔知做咩嘢，塞車塞咗好耐，我一見到塞車塞咗15分鐘左右就立即WhatsApp我上司話城隧嗰度塞車，應該會遲到。
事主：我甚至有影埋相畀佢睇我真係塞緊車，唔係吹水！跟住等咗差唔多成個鐘之後就終於通返車，好快返到公司。
事主：其實我最後只係遲咗10分鐘，但我返去到嗰陣，上司就黑哂面咁問我，點解明知道塞車就唔落車轉其他車？
事主：大佬呀！嗰度都塞死晒，我落咗車都無車畀我搭啦……
事主：我解釋返啦，話如果咁樣，我當時唯一選擇就只有落車搵對面方向嘅車搭返轉頭出返去市區，再轉MTR。
事主：佢問：「點解你咁唔做？你遲咗10分鐘，我本身想搵你傾嘢，都要等你10分鐘，咁樣浪費大家時間對公司好咩？」
事主：我點估到最後真係塞咁耐？而且我都只係遲咗10分鐘，我見到有人落車想搵的士都搵唔到，因為條路都塞死咗！
事主：唉……我真心覺得好無辜，我本身都係預早時間出門口嘅人，想知你哋會點樣去判斷塞咗幾耐就要立即轉其他交通工具？
網民：交通事故無人預計到囉！
網民：請問塞死喺隧道裏面仲有咩辦法？
網民：上司唔離地，點做你上司？
網民：香港地塞車遲到好閒，只係你今次唔好彩你老細情緒差，一開工想搵你傾嘢……
網民：塞車你都唔想，你上司似搵你出氣多啲。
網民：10分鐘都黑面好做極有個譜……
網民：你應該話係轉車搭趕返嚟，而唔係坐喺車度等佢通返！
網民：返工我寧願搭MTR，比較少呢類塞車情況。
網民：本來塞車就唔是遲到嘅藉口，講來做乜？上司同你相處得好就不會黑面，睇嚟關係一般。
網民：老細上司鬧人係無原因，下次塞車你用佢教你嘅方法，落車用其他方法返公司，如果都遲到，你都會被佢鬧。
鐵路服務有盲點 交通擠塞無人想
眾多網民對事主遭遇深表同情，認為事主已經十分盡責將突發交通擠塞一事報告，只是碰巧老闆心情不佳而慘變「出氣袋」。有網民則指，「鬼叫佢係你上司咩」，遇到這些事情只能啞忍，甚或「劈炮唔撈」。
一名事業心重的網民表示自己曾遇上類似的情況，但當時他「選擇落車，跑咗半個觀塘工業區」，為求「準時返到寫字樓同老細開會」。雖說如此，但在隧道內只有一條路的環境下，相關方法並不適用。
另有網民勸告事主「下次搭港鐵」，認為「（返工）邊有藉口遲到」，但鐵路服務有其盲點。以事主使用的城門隧道為例，該通道連接沙田與葵涌，使用鐵路完成相關路段會非常轉折。若從沙田站乘搭港鐵往荃灣站，港鐵網頁建議的最快路程中間須轉乘3次，途中須經過12個車站；但使用九巴49X號線（沙田廣源邨－青衣碼頭）由沙田市中心到荃灣眾安街則只須3個站。
老闆訓斥事主期間，建議遇上交通擠塞時應轉乘其他交通工具，事主聲稱只有「落車搵對面方向嘅車搭返轉頭」的方法，但城門隧道巴士站屬於封閉式轉車站，乘客基本上沒有正規路徑橫跨多條行車線過對面巴士站。2021年3月，曾有一名女子於該處橫過馬路，最終遭一輛密斗貨車撞倒昏迷，情況嚴重。根據香港法例第368A章《行車隧道(政府)規例》第9條及第18條，任何人除非在特定情況下，「否則不得徒步進入任何隧道，或在其內任何部分停留」，違反者可處罰款5,000元及監禁6個月。
沒有人希望上班遲到，但人總不能避免所有意外，因此僱主應體諒僱員因意外造成的非刻意遲到。
延伸閱讀：【返工血淚史】返工來回三四個鐘無人生？新入伙皇后山邨出旺角要幾耐？
延伸閱讀：【返工血淚史】港鐵故障無車搭？十年內新鐵路取消○○條巴士線
Look out for further updates on our Facebook fan page!
Follow CTgoodjobs for the latest career news, hot topics and recommended jobs!