Next
【職場熱話】公司有特殊請假規矩 網民：好唔人性化……
【職場熱話】公司有特殊請假規矩 網民：好唔人性化……
2024-03-27
年假除了用來休息、去旅行外，有時候打工仔也可能因緊急或突發事情而需要請年假。不過，有網民於社交媒體專頁「奴工處」投稿，指新公司有一個特別的請假制度，令同事遇到突發事情只可以放無薪假，讓事主相當無奈。
延伸閱讀：【無薪假期丨勞工法例】員工請No pay leave原因無厘頭 《僱傭條例》下僱主有權拒絕申請？
按圖睇吓點解會咁：
投稿人：新公司個請假制度好反智，一定要預早一年請下年假，無請就農曆新年清假放晒佢，如果有突發事只可以放No Pay Leave。
網民A：呢啲公司，做一陣搵到好工就轉了。
網民B：其實好多公司（同埋政府部門）都係咁……
網民C：建議呢間公司一年前出晒一年後嘅糧，打和super！
網民D：呢啲工唔會做，可想而知會幾刻薄員工，唔會有前途。
網民E：有啲人放工返學，未出齊下年時間表咁點算？
網民F：我而家嗰間都要年頭篤晒成年嘅大假。雖然可以改，但係我點知幾時要旅行呢？
網民G：好多中資企業都係，初七初八開工有假期扣假期，冇假期扣人工。
網民H：我以前做幾間都係咁，今年請下年假，劃咗嘅假唔可以改，要改就要阿頭approve。
網民I：我朋友都係咁，想搵平機票永遠無份，想去聽演唱會無可能一年前知幾時開。尤其而家天氣反常，想睇櫻花嘅話你都根本plan唔到日子……完全唔人性化嘅公司！
網民J：預早安排都算喇，有時仲要拎係計資深行先！
網民K：如果本身大假多就無所謂，反正機票可以提早一年買。
網民L：其實如果真係咁，都無辦法。如果唔同意公司呢個做法，唯有搵過另一份工，因為其實大假正式係由僱主決定的。
只係間間公司做法唔同，有公司執到正要公司決定；有公司就會聽員工嘅意願先決定罷了。另外，如果間公司係跟勞工法例，第一年得7日大假，喺入職嘅第一年根本員工係無得放，因為員工要按連續合約受僱滿12個月先可放大假。
雖然根據法例規定，有薪年假的放假日子決定權在僱主手上，但現實操作上大部分公司都會與員工協調，在不影響業務安排的情況下，容許同事自行選擇放假日子。而如果僱主不容許僱員放年假，或強迫員工在放假期間工作，均已違反法例規定，最高可被罰款港幣5萬元。
睇埋如果休息日要做嘢，《僱傭條例》點解釋：
延伸閱讀：【旅行大計】通關後同事陸續請假去旅行 自己卻因年資不足而被拒絕申請？！
延伸閱讀：【職場熱話】放大假被同事瘋狂問公事？打工仔崩潰：仲要錄語音訊息
延伸閱讀：【職場熱話】返工幾多日年假先夠使？ 網民：每年300日就夠 都想返幾日工出糧
最新專訪片︰
【CEOTalks】無懼挑戰 積極與員工建立平等溝通橋樑 喆麗控股創辦人Joshua：創業如同一場馬拉松比賽 堅毅不屈的才能克服困難
Look out for further updates on our Facebook fan page!
Follow CTgoodjobs for the latest career news, hot topics and recommended jobs!