【薪水小偷等級表】點先叫做薪水小偷？網民列薪水小偷等級表 辦工時間安坐家中自由活動就係「極尚大魔王」等級！

相信眾多打工仔都夢想自己能夠任職一份高薪而事少的工作，可以在上班時候隨意處理私事，猶如置身於家中，亦能獲得可觀的薪酬。近日，有網民於連登討論區以「薪水小偷等級表」為題發帖，以遊戲的角色地位來劃分打工仔作為薪水小偷的級別！

延伸閱讀：【扮工技能】13個返工Kill Time方法！網民大推：配合3種行為不停Loop！

按圖了解網民回應：

+22

+21

樓主：薪水小偷等級表，歡迎各位補充！

• 奴隸：全日去少過2次廁所、完成工作後只會獲得更多工作，並不會獲得任何獎勵、回家技能有着15分鐘以上的延遲才能發動（即係OT）。
• 初心者：隨意飲水去廁所、可以有空閒時間搵同事吹水。
• 見習小偷：可以落街放「煙break」（吸煙危害健康，落街散步拉筋較佳）、每天可以有30分鐘以上同同事聯誼（包括茶水/清潔姐姐）、帶薪去廁所（30分鐘或以上，可附加）。
• 榮譽勇者：偷偷上網扮工、睇E-book、上網window shopping、plan旅行行程、喺枱面打機。
• 遊俠：可自主決定離開office、扮工時可於公司外獲取娛樂（包括但不限於做gym、游水、睇戲、唱K、揼骨）。
• 財困遊俠（遊俠分支)：扮工時外出賺外快（包括但不限於送外賣、帶貨交收）。
• 大賢者：上網睇片（Netflix為首，YouTube次之，IG Reels勉強入流）、帶Switch / PS5返公司打機。
• 神隱大賢者（大賢者分支）：每月請4日以上病假、長期喺公司失去蹤影。
• 極尚大魔王：辦工時間安坐家中自由活動。
• 上帝之子：擁有管理權力、無固定上班時間、可以隨意發動下位位階技能、可暫時或永久將下位者降格成奴工。

網民A：除咗帶Switch，其他都做齊晒……

網民B：應該加多個級別叫「上帝」，職業係兒子，每月最少$10萬人工，在家娛樂！

網民C：試過返返吓工覺得悶，去咗戲院睇場戲。

網民D：我返到公司，第一時間就睇YouTube、Netflix睇到收工，想隨時落樓行吓就落！

網民E：從來屙屎都係返到公司先屙，返工上網hea就一定，每日遲15分鐘返到公司、食超過2個鐘lunch，然後每日 6點準時走！

網民F：暫時係榮譽勇者，只要老細唔喺公司我就可以升級做「大賢者」！

網民G：我返工全日剩係去得2次廁所屙尿，屙屎要用食飯時間。放飯得1個鐘，實際只係食得30分鐘，之後30分鐘隨時畀人叫起身做嘢，每日返工前15分鐘要開始做嘢。

份工有得放break但無彈性，10分鐘就要強制放一次，放完出嚟就到下一個人去放。長期無償OT 30分鐘、通勤時間要45分鐘，人工得$2.2萬。同埋公司行責任制，做錯嘢會畀上司狂鬧，結論係我仲慘過「奴隸」……

網民H：我同班同事都係「大賢者」！成日返工用公司Wi-Fi一齊打機！

網民I：呢啲都叫小偷？下面嗰幾級可以叫做「薪水賊王」啦！

網民J：只要WFH，個個都可以做大魔王！

網民K：做薪水小偷唔係問題，問題係其他同事忙無停手，你就不停撩人，逼人陪你吹水先係問題……

網民L：試過平安夜要返夜班嗰陣出咗尖沙咀同朋友飲酒，之後再帶朋友返公司吹水。另外又試過返工途中帶下屬出去睇戲蛇王。

延伸閱讀：【返工無嘢做】扮工神境界！打工仔自爆得閒到打晒ＯＯＯ啲字出嚟 網民：請人嗎？

帖文一出，旋即引起網民熱烈討論，眾多網民都為「薪水小偷等級表」提出不少意見，例如應添加打工仔理想職業「兒子」為最高等級、辦工時間可以隨意外出的行為稱作「遊俠」等，這些建議都大獲網民讚賞。

不少網民都表示自己屬於「榮譽勇者」或「大賢者」等級，會在辦工時間上網規劃日後的旅行行程、上討論區與其他網民聊天，以及觀看Netflix及YouTube影片，一解工作苦悶，這些行為都使大部分網民感到羨慕。

不過，亦有網民分享自己作為每天都要辛勤工作，即使到了午飯時候仍要花30分鐘處理公事，每天都要無償超時工作，若工作稍出差池，便會遭到上司狠批，繼而自嘲比「奴隸」還不如，使一眾網民對他的經歷表示同情。

延伸閲讀：【扮工室】打工仔將工作外判 自覺返工0貢獻 網民：Work smart緊要過Work hard！

按圖即看網民盤點打發工作時間的方法：

+13

+12

延伸閲讀：【都市傳說？】人工$3萬嘅hea工係咪真實存在？好想輕輕鬆鬆咁返工呀！網民：外資公司大把，不過唔會請FG！

按圖即看最叻「扮工」國家排行榜：

+7

+6

延伸閲讀：【職場文化】盤點返工學到嘅小知識！網民：原來寫Email冇乜機會用到「Yours faithfully」

最新專訪片︰

【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人

⏩⏩  需要請人？立即刊登招聘廣告！  ⏪⏪