Next
【職場熱話】返工食飯除口罩心驚驚 打工仔疫下4種午膳方式
【職場熱話】返工食飯除口罩心驚驚 打工仔疫下4種午膳方式
2022-03-25
疫情嚴重，確診人數破100萬，意即約每7個人便有約1個人染疫。Omicron傳染力驚人，仍需每日往返辦公室的打工仔都心慌慌，而午飯時間更感尷尬，因為進食前必須除下口罩，許多人都會害怕這個時候出現交叉感染的情況。最近，有網民發文詢問眾人在上班吃飯的方式，百多個留言可歸類出打工仔現時4種午膳方式。
延伸閱讀：【職場熱話】沒有WFH打工仔自白：我好驚染疫累全家 網民安慰：唔驚得咁多
即睇各位打工仔疫下4種午膳方式：（按圖了解）
發文者：而家要返公司返工嘅你係點樣食飯？
1. 同事隔開食
網民：叫外賣，公司附近無啖好食。
網民：買外賣喺自己個位食。盡量每次返工得自己一個人。一個人雖然自閉啲，但好自在。
網民：分開坐各有各食，各自一個區，每邊有部乜鬼空氣清新殺菌消毒淨化過濾機，加埋食快啲。
網民：我公司員工都要外賣返來食飯，或者帶飯返來食飯，員工之後返埋自己位食飯，不准在茶水間食飯。
網民：返早更食先，返晏就遲啲食。
2. 直接戒午飯
網民：Skip Lunch
網民：戒咗食飯，費事同其他同事一齊除口罩導致集體感染。
網民：我都係……而家只會返工前後食嘢。
網民：戒咗開工食飯，收工買外賣返屋企食，即係做緊斷食法，好似fit咗又精神咗。
3. 快快求其食
網民：我中午一隻香蕉搞掂。
網民：而家改咗落街買個麵包同飲品，搵個少人地方企喺街，一分鐘享用完上返公司。
4. 繼續出外食
網民：我都係買外賣去公園食，空曠啲又少人，喺餐廳食同喺公司食都驚……
網民：照出去食！基本上入得去餐廳坐，個個打晒針，仲安全過公司有個別員工無打針！
打工仔吃飯心慌慌 網民：維持正常生活好緊要
眾多打工仔對辦公室吃飯一事感到非常憂慮，不少人直言「食飯都唔安樂」，甚至有人朝九晚六不進食，避免除下口罩後進食期間染疫。許多網民指，最不願意看到因為上班染病後傳染家人，唯有將午飯的個人需要草草了事。
不過，有網民提醒各位打工仔「維持正常生活好緊要」，應以「唔好主動感染」的態度面對，勸籲各位及企業不應「搞完一堆無厘頭嘢影響埋心情」，為自己帶來焦慮。
另有網民天不怕地不怕，認為當下病毒的傳染速度，「有呼吸嘅遲早都會中」，但抗疫路上，人人應該自律，盡量避免病毒擴散。
延伸閱讀：【第五波疫情】上司確診暗示同事帶物資點算好？事主：平時佢都對我哋幾好…
延伸閱讀：【見工面試】新冠肺炎康復者可以寫落CV？網民笑言：唔使SL、WFH！
延伸閱讀：【職場熱話】同事WFH例牌遲到有原因？事主：就連HR都去關心佢…
Look out for further updates on our Facebook fan page!
Follow CTgoodjobs for the latest career news, hot topics and recommended jobs!