Next
【高人工】發現公司Reception月薪高達3.5萬 打工仔不忿：到底係咩世界！
【高人工】發現公司Reception月薪高達3.5萬 打工仔不忿：到底係咩世界！
2022-11-03
對於人工的透明度，打工仔都持有不同的看法，有人鼓勵提升薪酬透明度，因為能夠減低薪酬不平等的情況；相反，有人就認為收入水平的差異，會導致不必要的人際關係矛盾。在連登討論區有打工仔指發現公司招聘接待員，月薪竟然高達3.5萬港元一個月，令他感到不忿：「到底發生過甚麼事！」
點圖了解更多事主分享：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
「我咁啱睇獵頭公司嘅Post，睇到有一份Job個Description有9成似係我公司，點解我咁肯定？因為行內得嗰幾間公司，而有啲術語得我哋公司會講。先發現原來我哋嘅Receptionist月薪都有3.5萬港元，雖然話係靚女啫，但到底係咩世界，幫手影印、訂下午茶都要呢個價！」
網民回應：
A/咁你幾多先
B/老闆見個Reception多過見你，當然係請個好少少嘅，話頭醒尾嘅人返嚟，順便收吓風啦
C/真係唔好睇小同得罪公司嘅Reception
D/其實做Reception，唔止要靚女，要識廣東話、英文、普通話，仲要甘心做一個Receptionist差唔多啦
E/啲獵頭公司嘅廣告價錢係真定假先，係咪都寫up to 3.5萬港元係咩寫法
F/靚女本來就係一種稀有資源，如果樣靚身材好，呢個價錢都算平
G/大把細公司嘅Manager，可能只係得3萬港幣左右一個月
H/你覺得咁筍嘅，你咪去apply嚟做囉
I/我公司做Reception都成6萬5千蚊一個月，仲要無咩要做
J/Receptionist、秘書呢啲位如果soft skills或者people skills好好，其實真係好幫到手，尤其係中、大型嘅公司，人多複雜，啱啱出嚟做嘢嘅時候，可能會有啲難搞嘅位，例如：夾喺兩個老細中間、要叫高級過自己嘅人幫自己做嘢咁。試過問啲秘書，通常佢哋做得長時間，先會了解某啲老闆嘅性格或者處事方式，有時會畀到啲好嘅意見，真係幫到件事
K/你會羡慕人，你都唔慌人工高得去邊，咁易做，你咪做埋人哋個位，輕輕鬆鬆3.5萬搞埋副業都得！
L/真係最怕有你呢啲同事，人哋出幾多糧關你咩事，又唔係你出畀佢，自己做嘢辛苦，人哋做嘢就係Hea住等收工，打工出幾多糧係睇Output，唔係睇Input；就算你真係underpaid，未自己爭取或者轉工，又唔係加人哋Reception人工，唔肯加畀你，無啦啦畀你妒忌，個勞工市場薪酬咁唔透明益晒班老細，都唔公開人工，就係因為有你呢啲咁嘅人
尊重每一個職位
事主抱怨接待員月薪高達3.5萬一事，未有得到網民的支持，很多網民都認為數目是相當合理，皆因接待員需要處理的事不止於表面，他們很可能需要處理不少人事問題。另外，有網民批評事主，不懂得以別人的角度出發，強調每個人的工作都有自己的辛苦之處，別輕視其他人的工作。每份工作有固定的薪金定價，事出必有因，在抱怨之前，我們好應該要明白每個職位都有自己的辛酸，而並想像般簡單。
工作表現不被上司看見，可以怎麼辦？（點圖了解更多）
即睇3種絕對要遠離的同事：
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
免費「銀行業前線職位懶人包」
CTgoodjobs特別為有意投身銀行業的打工仔準備「銀行業前線職位懶人包」，內容涵蓋銀行櫃員、客戶關係經理及分行經理的職責、入職門檻、晉升階梯及月入中位數等實用資訊，還提供市場上熱門職位空缺，幫你裝備好自己，入行無難度！
立即按此下載：https://bit.ly/3DCfVPj
最新專訪片︰
智將情侶Cherry李星熲 離開100毛往外闖做Slash創業：「我以前真係好怕醜！」
Look out for further updates on our Facebook fan page!
Follow CTgoodjobs for the latest career news, hot topics and recommended jobs!