Next
【職場熱話】投身社會工作後友情容易變質 打工仔感嘆：幾個月先message一次
【職場熱話】投身社會工作後友情容易變質 打工仔感嘆：幾個月先message一次
2022-03-14
陳奕迅的《最佳損友》唱出很多人的心聲，尤其是投身社會後，昔日的校園老死紛紛為了事業及家庭拼搏而漸漸疏遠，造成了「為何舊知己在最後變不到老友」的局面。最近有打工仔在討論區感嘆友情變質，由以往每日相見，到現在平均幾個月才在WhatsApp聊幾句，讓他醒覺友情的脆弱。
延伸閱讀：【職場人際】畢業後別與朋友比較薪金！專家：比較帶來焦慮
有什麼原因令事主如此感觸？（按圖了解）
打工仔感慨道：「以前讀書時不論大中小學等都好，朋友日見夜見每星期都有不同活動。打機玩卡行街睇戲唱K食飯邊爐BBQ放題酒吧打波踢波跑步活動比賽。有一種由同學變朋友變好朋友，再變埋親人嘅感覺。畢業之後頭兩三年仲保持住緊密聯絡，但過多一兩年好多都無更新近況。尤其是2020年疫情開始後，更加係一年都未必有一次聚會。就連私底下WhatsApp都好匱乏，平均幾個月傾幾句偈就完。好多朋友都因為各自原因忙而無再經營落去。或者人大咗發覺友共情不變只能在讀書時維持，可能親情與愛情始終係最重要。」
網民意見：
網民Ａ：都唔洗等返工先知啦，有啲朋友一識咗女仔，就入咗百慕達金三角，直到分手先蒲頭。
網民Ｂ：最慘係發現對方價值觀同自己越來越有出入，每次見完面都有種莫名寂寞嘅感覺，覺得昔日知己今日已經無辦法再有共鳴了。
網民Ｃ：人越大越多嘢要處理，友情自然被忽略，好視乎雙方有無用心機去維繫。
網民Ｄ：所有情都要互相維繫，不論愛情親情友情，你有呢個睇法相信入世未深，現實到頭來只有靠自己。
網民Ｅ：我曾幾何時覺得係咪我有問題朋友先疏遠我，但當我識到第二班人就發覺，其實人來人往係自然不過嘅事，大家只係生命中過客。
網民Ｆ：你個啲根本係酒肉朋友啦，真正當你係朋友點會係咁？
網民Ｇ：睇雙方有無心keep，雙方有心keep嘅話唔好話畢業，即使移民分隔兩地都會keep到。
網民Ｈ：人始終要成長向前，與其沉溺過去美好青蔥歲月，不如趁而家主動拓展社交圈子，認識新一班人，可能仲夾呢！
網民Ｉ：其實自己都要主動約吓佢哋，得閒就問候幾句，因為返學認識嘅朋友係最無利害關係，少一個就係少一個，要好好珍惜。
其實在人生各個階段，都會遇到不同的人，如果大家剛好步伐一致，就可以繼續走下去；若然發現雙方價值觀有分歧，分道揚鑣都不是一件壞事，不必強求一生一世的關係。正如網民所言，事主可以主動關心朋友，萬一對方無心維繫，那就學習「Let it go」吧！
美國網站Business Insider提出以下10件30歲前應該學懂的事，你又能否做到？
按圖了解更多：
延伸閱讀：【人際關係】聚會只講工作同錢 打工仔嘆現實︰人越大越無真心朋友
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/XwPwhQ4ZfkSEDKRR6
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!