【職場熱話】做餐飲業EQ低會影響同事?事主:唔想服務人就走啦!

【職場熱話】做餐飲業EQ低會影響同事?事主:唔想服務人就走啦!

從事餐飲業,普遍都會被要求有良好的服務態度、高應變力,以及抗壓力強,具備這些條件,即使面對甚麼突發情況都能處變不驚,在顧客面前保持笑容及和藹的態度;若果你在面對客人的時候,無法管理好自己的情緒,不只會得失客人,還會影響身邊的同事。

在網上討論區Dcard有打工仔分享自己的看法,他指自己從事餐飲業,工作的地方有好幾個同事,都不太懂得管理自己的情緒,對客人和其他同事做出令人難以理解的行為,事主:「不想服務別人,就不如辭職。」

點圖了解更多事主經過:

延伸閱讀:【進修學習】決定進修前的4大要點
延伸閱讀:【職場趨勢】打工仔做戲做全套?調查:超過7成人唔會講出真正離職原因

1/我本身做餐飲業,唔知點解身邊有幾個同事管理情緒嘅能力都特別差,
2/好似埋單嗰陣,只係問個客要唔要收據,個客聽唔到,再問你,你咪再講多次囉。
3/點知嗰個同事突然對住個客勁大聲講嘢,個態度都唔多好,我係客都想投訴。
4/遇到呢種情況嘅時候,咁啱我都係喺旁邊整理緊嘢,每次都會畀嗰個同事嘅聲量嚇親。
5/對我嚟講,客人出得錢買嘢,我哋作為職員就應該盡量滿足個客人嘅需求,但當然都唔係要做到「顧客永遠是對的」嘅程度。
6/但呢種事好容易會影響其他同事,令其他人都有樣學樣。
7/唔小心跌咗嘢,執返起就用掉嘢嘅方式放返原位,想問好好哋放返啲嘢係咪咁難啊?
8/今日收銀機少咗錢,明明關佢事,佢就想搵其他同事賠錢,成日都黑口黑面,大大力拍埋個收銀機。
9/呢啲咁嘅憤怒點解要發洩喺同事、客人同工作上面?真係令人難以理解
10/啲語氣同態度咁差...唔想服務人咪唔好做囉

網民回應:
A/同意啊,好多時啲店員態度差,仲要話返啲客轉頭
B/拎人工做嘢,當自己係大爺,你老闆容忍度真係高
C/我都做過服務業,啲情緒係要忍到收工
D/我個同事試過當面訓示個客人,但其實個客根本無做過啲咩
E/唔好話係咪做服務業啊,只要帶住自己嘅情緒嚟返工,都會令同事覺得好困擾
F/我明服務業好辛苦,成日都會遇到啲麻煩嘅客,但遇到呢啲咁嘅職員我仲火滾,講嘢態度差,仲要當個客係仔咁話,遇到啲咁嘅職員,真係走先係咁先,最多我下次唔再嚟
G/我都遇過啲咁嘅同事,同佢做嘢都搞到我心累,將對上個客嘅氣憤,發洩去下一個客度,我係客都唔知講咩好

 

提供一定水準服務是基本
雖然偶然遇上麻煩的客人,會令人覺得很難受,但我們要明白顧客付費到餐廳吃飯,除了是購買食物外,亦都是付錢要求職員的服務。從事餐飲業,還是服務業,只要你一日收取薪酬工作,就要向顧客提供應有的服務態度,認真負責、積極主動,以及有禮等等都是基本。如果你受薪工作,卻經常將壞情緒帶給客人,以及身邊的同事,你就應該考慮,自己是否適合飲食業或者服務業。

除了飲食業以外,有不少職業都是長期處於高壓的環境下,以下5個職業是最容易因壓力大造成免疫力失調:(點圖了解更多)

延伸閱讀:【職場貼士】點知份工適唔適合自己?5條問題分析你的工作滿意度
延伸閱讀:【職涯規劃】 疫情期間感到事業停滯?職場達人分享7招幫你逆流而上

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;