【職場熱話】做得打工仔就要信奉「返工要hea」嘅心態？網民：公司畀幾多人工咪做幾多嘢！

面對工作，各位打工仔都有不同的態度，有人只求輕鬆工作，一旦完成自己負責的工作便會「扮工」了事；有些人會認真工作，以展示自己的工作能力，藉此獲得晉升機會。究竟哪種才是應有的工作態度？相信各位打工仔都會有自己的看法。

有網民於連登討論區發文，指許多人都信奉「返工要hea」的心態，一旦發現有人認真工作，或對工作較為上心，都會遭到他人嘲笑，樓主對此氛圍大感不解，故詢問網民為何會出現此現象。網民見狀都踴躍留言，表達自己的看法。

延伸閱讀：【職場熱話】打工仔應否為工作搏命？網民：但求心安理得

按圖了解樓主及網民回應：

+19

+18

樓主： 「唔係好明點解咁多人推崇『返工要hea」嘅心態？好多人見到人哋做得認真啲、做多啲、諗多啲，就笑人係熱愛返工嘅『黎生』。真係諗極都諗唔明，點解做嘢認真係會畀人笑……」

網民A：睇你返嗰份工有冇前途，如果係返Part time或者冇前途嘅工，咁當然有咁hea得咁hea咁做啦！

網民B：返工本身就係一買一賣嘅事，公司畀幾多人工咪做幾多嘢！

網民C：我覺得香港人最得意嘅，係自己返工就可以hea住咁做，但當自己做客就會怪啲員工hea。

網民D：唔係叫人hea做，係叫啲人唔好咁上心啫。做嘢hea唔係hea係反映到個人性格同處事態度。我自己返工做嘢就唔會太hea嘅，但同時間都唔會為咗公事上心到發晒脾氣。

網民E：老闆見到你咁做得嘢，就會不斷畀好多project你跟，人工冇變但workload變多，有付出但冇回報，真係當自己義工乜？返工係講付出同回報呀。

網民F：你為公司着想，但公司唔會為你着想。只要有人工平啲同工作能力同你差唔多嘅人出現，就會即刻炒你，所以唔使對公司咁上心，負責返自己要跟嘅嘢就可以。

網民G：通常畀人笑認真工作嘅人，都係會影響到其他同事嘅人。例如某啲人太認真，搞到成team人都要跟住佢嗰flow做，又或者明明唔關自己條team事嘅嘢，team head又接咗嚟做，逼住啲下屬做多啲嘢，所以咪有咁多怨言。

網民H：每個人情況唔同，有啲人太搏命會影響到自己健康，慢慢就會hea住咁返工。

網民I：睇間公司、上司同埋同事係點，有啲上司見到你咁上心就會有忌才嘅心態，借啲意鬧你或者雞蛋桃骨頭；同事見你做嘢咁上心就會恰你，將自己要負責嘅project卸晒畀你。返工要hea呢種心態，其實某程度上係保護緊自己。

網民J：職場上要識分配資源，應該hea嘅位就要hea；要認為就要認真，呢啲先係職場技巧。無時無刻都keep住認真做嘢，嘥心機之餘又升唔到職，咁梗係用最簡單嘅方法攞最高嘅報酬啦！

網民K：如果份工係多勞多得嘅，例如做sales咁，會計公司生意額畀返相應嘅commission你，呢啲梗係勤力啲做啦。如果係啲做完冇人會留意到，或者做得好但唔會升職同加人工嘅，點解要咁勤力做？

延伸閱讀：【職場熱話】返太耐Hea工未必好？ 轉新工打工仔即呻:︰「忙少少已經搞唔掂」

網民對於樓主的看法後反應兩極。一派網民認為工作態度是取決於薪酬的多少，只需完成日常職務便可以。倘若然工作較為上心，上司與同事會隨時會委派更多工作，人工不變但工作量大增，讓自己需承受龐大的工作壓力，網民強調「返工要hea」是保護自己免受公司剝削的方法。

另一派網民表示若然任職的工作是多勞多得，抑或是其備良好的發展前景，應該要懂得分配自己時間，在必要時盡力展示工作能力，以獲取升職加薪的機會。對打工仔來說，不論「hea住返工」還是工作搏殺均屬個人選擇，只要尊重雙方的抉擇，便可以了。

延伸閱讀：【職場八卦】返工有一半都係「扮工」？打工仔：都扮咗好幾年

正所謂「人望高處」，打工仔都希望升職加薪，然而有部分員工即使有能力都拒絕晉升。按圖即看網民對於中年同事不願升職的反應！

+15

+14

延伸閱讀：【職場八卦】返工要抱住咩態度？網民：日日都用預咗畀人炒嘅態度！

職場生存可謂是一門大學問，如何才能機智地在職場生存？不妨參考以下5個方個，讓你避開職場危險。

+8

+7

延伸閱讀：【扮豬食老虎】返工扮蠢可以明哲保身？網民：真係叻嘅 點扮都扮唔到

最新專訪片︰

【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

⏩⏩  需要請人？立即刊登招聘廣告！  ⏪⏪