Next
【網絡熱話】打工仔糧尾慳錢必食 網民熱選茶餐廳10大午餐碟頭飯
【網絡熱話】打工仔糧尾慳錢必食 網民熱選茶餐廳10大午餐碟頭飯
2024-06-28
茶餐廳是香港的重要飲食文化之一，不但食物種類多，而且價廉物美，是不少打工仔「糧尾恩物」。最近有網民在討論區列出10大茶記午餐碟頭飯，當中包括椒鹽豬扒飯、叉燒炒蛋飯、葱油雞扒飯等等，而眾望所歸的第一名則是……
延伸閱讀：【工作時數】邊個行業每周工時最長？保安、酒樓員工、茶餐廳夥記位列三甲
談到碟頭飯，原來最初出現在三、四十年代的中環街頭牌檔，因為當時碼頭有很多工人，他們最愛吃盅頭飯，吃飽飯才有力氣開工。於是牌檔店主忽發奇想，將燒味放在白飯上，再用碟裝好，即是碟頭飯的雛形。時至今日，碟頭飯已演變成許多款式，是香港人日常快餐之選。
網民認為10大茶記碟頭飯包括：（按圖了解）
第10位：椒鹽豬扒飯
「鹹香酥脆豬扒，送飯一流，午餐之選！」
第9位：粟米魚柳飯
「通常茶餐廳整魚柳都係煮到勁淋，撈埋啲粟米當食粥咁，加辣椒油一流。」
第8位：黑椒/燒汁雞扒飯
「去茶記吃牛扒係傻仔，性價比最高一定係呢個餐，雞扒通常係即叫即炸，有時塊扒上碟嗰陣啲皮仲脆卜卜。」
第7位：滑蛋叉燒飯
「撈飯一流，有少少蛋汁再加分，加埋的蔥花，送飯正。」
第6位：窩蛋牛肉飯
「無咩特別，主要都係好撈飯又飽，而且好細機會中伏。」
第5位：鮮茄牛肉飯
「一定要係肉片，如果係免治咁食蕃茄炒蛋算數。」
第4位：煎肉餅飯
「其實蒸都好味但午餐想食啲香口嘢，私心推介煎鹹魚肉餅極好食。」
第3位：葱油雞扒飯
「葱油本身已經好屈機，雞扒又係唔會整得好難食，加埋一齊好難輸。」
第2位：火腿香腸餐肉煎蛋飯
「細個叫呢款一家大細食會好開心，雖然呢啲料屋企都整到，但茶記豉油同煎蛋特別好食。」
第1位：梅菜扣肉飯
「梅菜汁加肥肉撈飯世界第一，值得為咗午餐短20年命。扣肉一定要夠腍，一夾就散，食到高血壓。」
茶餐廳術語你又識幾多？（按圖了解）
延伸閱讀：【員工福利】公司僅設30分鐘食飯時間 打工仔炮轟老闆不人道 法例有無規定？
延伸閱讀：【香港物價】返工出街食午餐$30呻貴 打工仔︰尖沙咀起碼$80
Look out for further updates on our Facebook fan page!
Follow CTgoodjobs for the latest career news, hot topics and recommended jobs!