Next
【打工仔辛酸】公司為咗慳錢 做過啲乜小氣行為？網民：搞聖誕party但叫員工夾錢……
【打工仔辛酸】公司為咗慳錢 做過啲乜小氣行為？網民：搞聖誕party但叫員工夾錢……
2023-10-13
不少老闆為了減輕公司營運成本，都會想盡辦法開源節流，例如解僱員工、取消公司部分福利，或是不願更新公司硬件設備等，有部分公司為了盡一步減少開支，想出了不少使人咋舌的方法，嚇怕一眾打工仔！
有網民於連登討論區以「試過間公司最cheap係點」為題，與眾多打工仔力數公司小氣行為，當中竟包括「搞聖誕party，叫員工夾錢」、「要求員工自備電腦但冇任何津貼」……
延伸閱讀：【薪酬討論】打工仔返工成個月都未簽約？網民：呢啲工早走早著啦
按圖了解樓主及網民回應：
樓主：我講吓我聽到嘅嘢先！朋友喺公司OT唔會有任何補水、補鐘！
網民A：公司範圍冇廁所，去嘅話要去商場廁所……
網民B：病一日冇得請SL，要連續4日同埋有醫生紙先可以拎病假；仲要只係肯出五分之四嘅糧，跟足勞工處最低標準。
網民C：公司搞聖誕party，但叫員工夾錢……同事見到即刻寫email鬧，最後公司為咗平息件事，話公司會出返。幾千蚊都要慳，不如一開始就唔好搞啦。
網民D：試過去人哋公司傾嘢，公司細都冇乜嘢，諗住去一去廁所，發現要拍卡先去到，講緊個廁所係喺公司入面……聽返個員工講，老闆會計住班員工去幾耐廁所，如果多個某個時間就會扣人工。
網民E：返工一遲到，就每分鐘咁計扣你人工。
網民F：我有朋友之前扭傷咗隻腳返唔到工，公司批准佢WFH，但過咗120日之後就要扣佢病假，即係扣緊病假嘅同時仲WFH緊，過多排就講要扣埋佢AL。成班同事聽到嬲到震，之後衝咗入房同老細辯論先冇再扣我朋友AL！
網民G：公司為咗慳錢，唔買垃圾桶，想扔垃圾嘅話要行到極遠嘅垃圾房先扔到。
網民H：要求員工自備電腦但冇任何津貼……
網民I：朋友臨返新工前一日，間公司HR叫佢自己帶mouse同文具，1話公司唔會提供呢啲嘢畀同事用。
網民J：公司叫我出差。返到嚟香港，老細為咗唔想畀返機票錢同食宿我，就叫我自己請返出差嗰幾日假，唔當我出差做嘢……
網民K：公司一直都唔准同事連公司Wifi，然後有一日admin同事 send email出嚟話有好消息：全部同事lunch time可以免費用公司Wifi一個鐘……
延伸閱讀：【見工奇遇記】主管面試問古怪問題 下屬踢爆︰連HR都忍唔住笑
帖文一出旋即引起網民熱烈討論，分享出不少公司的小氣行為，部分行為更引起打工仔共鳴，表示任職公司亦有相同政策，例如公司不願提供任何文具、打卡遲到便扣除人工、要求同事支付公司年度晚宴等古怪行為，令打工仔啼笑皆非，更難免感到一陣辛酸。
延伸閱讀：【職場熱話】同事喺公司pantry刷牙 會唔會有啲不雅？
職場上除了公司會有奇怪的政策外，同事都有自己的古怪行為。按圖即看網民盤點同事的古怪行為吧！
延伸閱讀：【職場文化】庹縮同事拎一堆尿袋返公司叉電 打工仔疑惑︰慳得幾多呀？！
打工仔為求休息，都選擇裝病請病假，有些病假理由頗為誇張，使上司或同事不禁疑惑是否真有其事。按圖即看網民聽過最誇張的病假理由。
延伸閲讀：【職場熱話】前老細請食飯 一定有古怪 原來係想做呢樣！？
最新專訪片︰
【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!