Next
【打工仔請假】告假要講理由？事主不滿上司追問原因！網民揭背後真相！
【打工仔請假】告假要講理由？事主不滿上司追問原因！網民揭背後真相！
2024-06-12
頻繁的工作中，為了好好喘息，打工仔會選擇申請有薪假期，做自己想做的事。有台灣打工仔在網上討論區Dcard分享有關假期的苦惱，指申請假期時，上司總會追問原因，令他感到不滿，有網民就為事主分析背後原因。
點圖了解更多事主分享：
事主：「點解同啲上司請假，佢哋一定要問原因？我有2份工嘅經驗，咁啱撞到嘅上司都好鍾意追問原因，如果係請假去玩都算，但有時請假係要去面試，仲要諗其他原因，或者係單純想將啲假期用完出去玩，仲要畀人話成日出去玩。
好羡慕身邊好多朋友嘅主管都唔會問原因，但我理解上司可能係希望同員工有多啲話題所以咁。但有時真係唔太想畀上司知道太多私生活，單純想保護自己（睇過好多可怕案例）。」
網民回應：
A/你咪隨便應酬佢囉！放假係你嘅權益嚟！
B/問原因冇咩嘅，請假可以作好多理由，事假、病假，用身體不適同屋企有事好好用。如果請得多日數，幾乎都係出去玩，上司唔使問都知。有啲公司文化會差啲，就係開會檢討你請假嘅原因，做到後期離職嘅人係多數。
C/我會一律回答私事唔方便講。
D/我一直都以來都會請啲同事畀我知道請假原因，但我從來都唔會唔畀佢哋請，就算係去玩，我都好支持佢哋。會咁做係因為有時係家庭因素、身體狀況之類嘅事，如果會影響到工作，我會做適當嘅調整。
如果係因為身體，我就會多關心佢，叫佢多啲休息，唔好嚟返工。可能每個上司睇嘅理由都唔同，但我嘅出發點都係咁，同事從唔習慣，到而家會直接同我講，下晝想請假，因為佢心情唔好，但至少業務執行上一直以來都冇因為請假呢件事出過差錯。
E/我自己就會同啲同事講，請假係佢哋嘅權益，你哋請假我完全唔會問佢哋要做咩，但我會歡迎各位同我分享自己的生活。我覺得上司無論係出於關心，還是咩都好，問其他人請假理由，會造成佢哋嘅壓力，我都唔會主動話要Add Facebook或者IG，唔係佢哋Share啲咩都要諗吓上司，見到都覺得辛苦。如果想同同事多啲交流，最好定期1 on 1會比較好。
F/我都遇過，補返半日假都要問有咩要幫手，我話要去銀行辦事就繼續問係咪要開戶，定做乜嘢。話請半日假去睇醫生，就畀人問做咩要睇醫生，真係關你咩事？越諗越煩，最後我辭咗職。
G/呢啲都係睇上司性格，我上面啲上司只會回OK，然後就爽快簽約，所以我都係直接講理由，有次請假，我仲同主管講唔鍾意邊個同事，唔想返工見到佢，難得覆上司嘅字數變多，上司話OK，等你返嚟搵多啲女仔陪我（因為個同事係性騷擾慣犯）至於同事嘅上司，係屬於追根究底型，佢會問晒係咩事。
網民都紛紛分享面對上司追問請假理由的經驗，有人指自己從來都不會告訴上司自己請假的原因，多數會回答私人理由作回應；相反，有人就指視乎上司性格，更指自己的上司按自己的要求作安排，所以請假時都會如實告知上司個人情況。
有自稱擔任上司的網民分享個人經驗，指自己向同事詢問請假理由，是因為想調工作份量，同時了解員工的工作狀況，安排工作並作出適切的關心。
請病假時應用哪些理由及例句？（點圖了解更多）
即睇請電郵簡語：
延伸閱讀：【請假心理】打工仔覺得請AL會影響同事好內疚 網民：同事唔請假？
延伸閱讀：【職場熱話】請生日假竟被上司鬧「做嘢你先嚟生日!」 網民熱議應否請Birthday Leave
延伸閱讀：【職場熱話】老細阻放假 用歪理指桑罵槐：你放假 但公司運作緊 所以要睇訊息！
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!