【小心中伏】HR無理要求一秒激怒OT打工仔 網民共鳴：我仲試過因為咁收警告信……

職場上，員工對公司付出加班與勞力，理應獲得理解與尊重，惟現實中，行政制度與人性考量往往難以並行。近日一則網上熱帖引發廣泛共鳴，事主表示自己與整個團隊連續多日通宵加班，為完成重要標書項目付出極大努力。翌日清晨，正處於身心俱疲狀態下，竟接獲HR來電提出一個無理要求……

按圖睇發生咩事：

事主：話說年前成條Team OT通頂趕標書，做到靈魂出竅之際，朝早8點半，枱頭電話響。
HR：早晨呀，溫馨提示你噚晚收工冇打卡走，提提你下次收工記得打卡。
我：我OT通咗頂，都冇收工！
HR：明白，咁你而家出門口，幫我打返卡做返記錄吖。
我：我都冇收工，打咩卡返工啫？！我一路都返緊工呀，你明唔明呀？！
跟住我就Cut咗個HR同事線。
當月月尾，HR派咗個Excel 表畀我，係全月嘅打卡記錄，然後叫我填返啲窿窿，跟住畀Team head 簽名作實。真係……唉！
網民A：以前做agency公司，同事同老闆通頂到天昏地暗，第二日同事下晝先返，收到HR warning letter話曠工，最後老闆鬧到個HR上天花版，自始之後唔使count遲到。
網民B：其實個HR 都係公事公辦啫。
網民C：又唔係喎，保障返自己，就算無收工，都應該要喺今日官方開工時間之前打咭收工，再即刻打返咭開工。一陣公司話你今日無開工record，盞攞嚟嘈㗎咋。 
網民D：試過通頂到第二晚10點，之後第三日返朝早10點，畀人話要管理吓返工時間 ……
網民E：今時今日，份工仲要打卡嘅，辭職算罷啦……
網民F：雖然我HR出身，但真心覺得好多HR唔識做人。打卡都要睇係咩工種，茶餐廳、餐廳就真係要，你office做咩要打卡呢？放工WhatsApp人嗰啲唔係工作時間咩？老老實實，成日認為人哋偷懶、會早走，睇打卡咁緊嘅人，其實自己就係最鍾意偷懶嗰個。
網民G：通完頂仲要聽啲咁蠢嘅電話……辛苦喇！

事件反映出職場制度與人性關懷之間的落差。若制度缺乏彈性，容易令人感到付出未被肯定，甚至遭遇責備，最終削弱士氣。其實不難明白，事主的憤怒並非源於打卡本身，而是對於被漠視的情緒反應。

睇埋：00後新人點解成日唔過試用期？網民怒數3大死因

睇埋：面試過程順利但「衰收尾」？ 一人一個Interview 最離譜「你有咩想問返我」答案！

延伸閱讀：【見工面試】 面試過程順利但「衰收尾」？ 一人一個Interview 最離譜「你有咩想問返我」答案！

延伸閱讀：【HR爆料】用AI整CV最易有呢個穿崩位！HR教路：想突圍要做一件事！

延伸閱讀：【見工面試】網民投選見工被問「最無聊問題」 網民：問嚟問去咪淨係想壓價！

延伸閱讀：【職場熱話】返工兩星期怒辭職 上司當眾羞辱：好趕出門口？你帶漏咗個腦啊！

---

最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪