【職場熱話】返工兩星期怒辭職 上司當眾羞辱：好趕出門口？你帶漏咗個腦啊！
CTgoodjobs' Editor
上司與下屬之間的互相尊重，是建立健康職場文化和提升團隊效能的關鍵。根據多方專家與研究指出，尊重不僅是禮貌的表現，更是雙方信任與理解的基石。當上司尊重下屬的意見和專業，願意傾聽並給予自主權，員工會感受到被重視，從而更積極投入工作，提升整體生產力。有上司會認為需要用高壓手段才可使下屬高效辦事，可是現實真的如此嗎？
網民在網上專頁「奴工處」上發文表示因上司常常的無理要求與當眾羞辱，令事主新工只做了不足兩星期便要辭職。「裸辭」的事主表示自己可能有一點衝動，但不可能為了一份工作而遭人羞辱更甚令自身的情緒也出現問題，行為獲網民熱議。
即睇事主分享及網民回應：（按圖了解）
事主：我返咗兩星期左右，忍到今日終於Quit咗！
喺我返第三日，上司就Assume我所有嘢要識晒，一做錯少少就連珠炮發話我，搞到我feel到自己情緒有啲出事……
每日都要將同一份PPT copy and paste好多個Version畀佢去Present。噚日有一份Update，佢一早叫我去佢位……
佢：「今日好趕時間出門口咩？帶漏嘢啊！」
我：「？」
佢指住個File，提高音量，好大聲話：「睇吓咩嚟？仲話唔係？你今日出門漏咗個腦喺屋企啊！份嘢你未update啊！」
全部同事望住我勁尷尬……
佢再講：「少少嘢都咁，咁唔想做就出聲啦！」
我突然情緒到，即刻拍枱！
我：「如果你知我執漏咗，你咪叫我執返就得囉，使唔使講嘢咁難聽啊！你就真係漏咗嘢啦，把口咁臭！一定喺幾日漏咗無刷牙啊！你自己執啦，要Present個嗰係你唔係我！」
跟住頭也不回，直接行去HR房講辭職，要求即日走！
我未搵到工，知道自己好衝動，但我唔想因為份工令到自己有情緒病啊！我出糧唔代表要畀你羞辱！
網民A：當眾鬧上司再辭職係好爽，但你呢行會唔會山水有相逢？我怕你會影響到自己的名聲而做唔返本行。
網民B：開公司同埋個上司名啦！
網民C：你上司成功趕走咗你，唔使補水，希望你自己唔係畀錢先可以即日走啦！
網民D：樓主轉數快！喺高壓情況下仍然識得用口臭嚟做例子。
網民E：你同佢講職場霸凌一係道歉，一係平機會見，自己揀！
網民F：你太勁了，忍到第二個星期。
網民G：人生攻擊！今時今日仲有呢啲人？
網民H：其實面對面鬧人無帶腦返工真係好過份！
網民I：我諗起我嘅好朋友，又係有個咁嘅上司所以極憂鬱！成個人無晒笑容苦瓜乾咁，好彩後尾佢換咗老闆正常返了。當時見到佢咁咩都做唔到，真係幾心痛！
網民J：做得好好！人善只會被人欺！
網民K：我都試過，返工返咗一段時間，有個女同事經常鬧我，畀說話我聽。每一日收工都好想喊！仲要人身攻擊我！仲要同人講佢哋只係想要一個正常人……
上司的語言欺凌是否屬於平機會的投訴範圍？
2. 言語欺凌是否受理 若言語欺凌涉及上述條例涵蓋的歧視或騷擾（如性別、種族、殘疾等），則可向平機會投訴。
3. 非歧視性言語欺凌 一般辱罵或無歧視成份的言語欺凌，平機會通常不受理，需透過公司內部或勞工處解決。
4. 投訴時效限制 投訴必須在指稱行為發生後12個月內以書面形式提出，逾期可能不被受理。
5. 投訴程序 投訴人需提供詳細事件資料，包括時間、地點、涉事人員及證據，投訴書會轉交答辯人。
6. 調停機制 平機會鼓勵雙方以調停方式解決糾紛，減少訴訟成本和時間。
7. 僱主責任 僱主須對僱員在職期間發生的違法騷擾行為負上轉承責任，即使未必知悉或批准。
8. 性騷擾範圍 性騷擾包括言語、視覺、非言語等形式，無論有無意圖，只要構成不受歡迎的性相關行為均可投訴。
9. 保存證據重要性 受害者應保存錄音、電郵、訊息等證據，有助於投訴及調查。
10. 其他求助途徑 非歧視性言語欺凌可尋求公司人力資源部、勞工處或法律援助等其他渠道協助。
面對上司言語欺凌，保持冷靜、自信，適時表達立場並尋求支持，是調整心態的關鍵。熟悉職場反欺凌相關政策與法律，必要時尋求專業法律意見，保障自身權益。同時積極保護自己身心健康，閒時也可透過運動、冥想或興趣活動減壓，保持良好生活習慣，並掌握應對策略，才能在困境中維持專業與尊嚴，促進職場和諧與個人成長。
延伸閱讀：【職場革新】日本企業顛覆傳統新推「上司選擇制」！由下屬票選心水上司 離職率大大降低OO%
延伸閱讀：【職場溝通】點樣指正下屬錯處先唔會激嬲人？學識呢招讓同事真心聽得入耳！
延伸閱讀：【糖衣陷阱】老細讚你「好幫得手」要留神！睇漏5大訊號 隨時變免費勞工！？
►最新【政府/公共機構】職位空缺
►最新【行政】職位空缺
►最新【銀行/金融】職位空缺
►最新【非政府組織/社福】職位空缺
►最新【人力資源】職位空缺
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！
Follow CTgoodjobs for the latest career news, hot topics and recommended jobs!