【區區打工仔】返工選擇金鐘定觀塘?網民幾乎一致選擇○○

【區區打工仔】返工選擇金鐘定觀塘?網民幾乎一致選擇○○

求職者尋找工作期間,除了工作性質以外,上班地點亦可能是主要的考慮因素,例如太偏遠不會去,配套差要考慮等。如果你現時獲兩間公司聘用,性質類似,兩者均位於主流商業區,你應該感到開心,但該兩間公司分別位於金鐘及觀塘,各有不同致命缺點,你又會如何抉擇呢?近日,有網民在網絡討論區「連登」發起這道打工仔選擇題,究竟你想到金鐘,還是觀塘上班呢?

延伸閱讀:【2021職場回顧】打工仔年度關注議題 觀塘返工、地盤術語、「人生勝利組」上榜

即睇事主分享及網民回應:(按圖了解)

提問者:金鐘放工搭鐵要等勁多班車先上到,公認lunch無啖好食,但交通勁方便,年中開始四線直達。

提問者:觀塘感覺causal啲,平民區lunch多選擇,但條街勁迫勁塞車。

提問者:各位會點樣選擇呢?金鐘畀正評,觀塘畀負評。(結果請往最後頁)

網民:觀塘污煙漳氣不了。

網民:金鐘for sure,觀塘有得選擇都唔會揀。

網民:一定金鐘啦,起碼多啲靚女睇!

網民:金鐘for sure啦,Lunch可以自己帶飯或者落灣仔食。

網民:每逢電車免費,金鐘啲人就即刻走難咁湧出去食。

網民:平日都一堆人喺太古廣場條隧道湧去灣仔食。

網民:觀塘食飯隨時貴過灣仔……

網民:打死唔會去觀塘!

網民:搭車去觀塘返工,個人會返到好頹……

網民:金鐘搭倒頭車(去中環)咪得囉!觀塘好似搭乜都死……

結果:金鐘(正評):303;觀塘(負評):59。(截至2022年1月5日12:30之數字,討論貼文於2022年1月4日06:50發布)

金鐘問題可解決 「老母」塞車難處理

眾望所歸,觀塘「老母」擊敗金鐘,成為較惡劣的工作地點!眾多網民評價觀塘交通問題難以拆解,反而金鐘過海搭港鐵難以登車的問題可靠乘搭荃灣綫「倒頭車」到中環總站解決。

在午飯選擇方面,金鐘無疑「無啖好食」,商場主要為高檔次的餐廳。雖然觀讓取得一分,但網民則表示大多數金鐘上班族會到灣仔午膳,因此太古廣場地底連接灣仔的通道每逢午飯時間也會出現人潮。如果與灣仔多間餐廳的價格比較,有網民則指「觀塘食飯隨時貴過灣仔」,即表示金鐘未必全敗。

港鐵將於2022年內將東鐵綫延伸至香港島,增設會展站,並以金鐘為終點站,其月台將設於先南港島綫月台的上一層。金鐘將會成為港鐵首個四綫交匯轉車站。至於觀塘,打工仔需要繼續每天放工排隊上港鐵月台,或者忍耐一下路面交通擠塞吧!

究竟觀塘有幾多車呢?根據觀塘區議會就「觀塘道交通擠塞問題:觀塘道與開源道迴旋處的改善方案」研究計劃的報告,觀塘部分路段的日均交通流量在10年內上升超過一半(按圖了解):

延伸閱讀:【職場熱話】打工仔嚴選5大最痛苦返工地點 「榜首」花落誰家?

延伸閱讀:【返工血淚史】新Offer人工加四成 但要返觀塘 大澳IT男最後點揀?

延伸閱讀:【返工血淚史】返工來回三四個鐘無人生?新入伙皇后山邨出旺角要幾耐?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告