Next
【返工血淚史】返工來回三四個鐘無人生？新入伙皇后山邨出旺角要幾耐？
【返工血淚史】返工來回三四個鐘無人生？新入伙皇后山邨出旺角要幾耐？
2021-12-08
絕大部分打工仔也是有準時開工，卻沒有準時收工，工時較不少地區為長。假若家門遠離辦公室，基本上放工後沒有太多私人時間。香港有逾半人口居住新界，但主要工作機會卻位於港島及九龍，所以網絡討論區不時熱議屋企與公司距離的相關議題。最近「連登」有人發文，詢問每日來回三、四小時的打工仔究竟如何度日。另外，遠離市區的皇后山邨於上周二（11月30日）入伙，同樣有網民好奇該處配套及交通如何。
延伸閱讀：【職場熱話】打工仔嚴選5大最痛苦返工地點 「榜首」花落誰家？
即睇事主分享及網民回應：（按圖了解）
網民：人生好似得返返工同瞓覺咁。
網民：辭職或減少交通距離，一要OT你就唔夠時間用，根本無意思。
網民：每日都懷疑人生……
網民：搭車補眠已成技能！
網民：我真係差唔多要4個鐘，07:15出門口，09:15返到公司；17:30公司走，19:15返到屋企。
網民：真係好辛苦，但鬼叫自己廢，有時放工仲要返學，返到屋企食少少嘢就即刻瞓，得星期六日好啲，可以瞓到飽。
網民：上水去柴灣……
網民：我住東區，去北區探朋友無論揸車定搭車都覺得好似去緊旅行咁。
網民：試過大西北返柴灣，未去到已經消耗一日精力。
網民：屯門返天后，每程車都係運氣，試過塞車，單程三個鐘……
網民：聽過有個同事住沙頭角，之前喺鴨脷洲返工，來回加埋六個鐘，好鬼佩服佢！
皇后山邨上周派鎖匙 搭車出旺角竟不需一小時！
皇后山邨最近向住戶派鎖匙，該邨位於粉嶺以北，毗鄰新圍軍營，屬沙頭角公路沿線地點之一。有網民笑言該處「應該係北區區內少數無水貨客嘅屋邨」，相信會是北區難得寧靜的住宅區。但該處遠離港鐵站，加上屋邨新入伙，配套暫時欠奉。另有網民認為，皇后山邨缺點在於鄰近軍營，但皇后山邨所在位置本來為皇后山軍營。
有網民好奇：「住皇后山出市區係咪會仲耐過上水、粉嶺？」實際上，皇后山位置離粉嶺站約三公里，使用東鐵綫的邨民需先乘坐巴士接駁港鐵站。於皇后山邨入伙當日，九巴及城巴共開辦了四條巴士路線連接皇后山邨，另延長一條繁忙時間路線至皇后山。此外，皇后山邨也有一條小巴接駁上水站及北區醫院。
編輯於周日（12月5日）曾到皇后山邨選乘新辦開往長沙灣的79X號線，實測新屋邨往返旺角的時間，發現巴士離開皇后山後竟然不需一小時便可以在旺角下車，比想像中快許多。不過，測試時間為假日黃昏，加上新路線初期普遍維持30至60分鐘一班，居住於新邨的打工仔應該預留多點時間上班啊！
皇后山去旺角要幾耐？79X車程實測：（按圖了解）
日期：2021年12月5日（星期日）；山麗苑開出時間：17:00
抵達主要車站時間：17:00山麗苑；17:01皇后山邨；17:07馬尾下；17:09磚窰；
17:35青沙公路轉車站；17:42中匯街（大同新邨）；17:43奧運站；17:49旺角道（舊豪華戲院）
皇后山至旺角：實測只需49分鐘！
皇后山邨現有交通服務：（按圖了解）
九巴78A（山麗苑至粉嶺站），途經：皇后山邨及聯和墟
城巴78X（山麗苑至啟德），周一至周五繁忙時間服務，途經：皇后山邨、馬尾下、龍山隧道、大老山隧道、觀塘及九龍灣
城巴79X（山麗苑至長沙灣深旺道），途經：皇后山邨、馬尾下、龍山隧道、青沙公路轉車站、大角咀、旺角及深水埗
九巴278A（山麗苑至荃灣如心廣場），周一至周六繁忙時間服務，途經：皇后山邨、聯和墟、祥華邨、城門隧道、梨木樹及大窩口
九巴N78（上水至沙頭角），深宵服務，途經：粉嶺站、聯和墟、龍躍頭、皇后山邨、馬尾下、禾坑及石涌凹
專線小巴503（皇后山至北區醫院），途經：聯和墟、天平邨及上水站
長通勤或影響身心健康 網民：寧願用人工換取短通勤距離
許多網民認為公司鄰近屋企有助提升生活質素，有打工仔甚至留言聲稱：「如果屋企附近／附近地區都搵到一樣嘅工，我寧願少幾千返附近好過！」英國保險公司VitalityHealth曾與劍橋大學等學術機構進行研究，當中發現長通勤人士出現抑鬱症狀的機會較短通勤人士高出33%。
長通勤已是香港人的生活寫照，加上市區擴張至市郊範圍，這種問題應會漸變平常。無論如何，打工仔最重要是找到一份樂於投入的工作，實現理想吧！
延伸閱讀：【返工血淚史】港鐵故障無車搭？十年內新鐵路取消○○條巴士線
延伸閱讀：【職場貼士】日日都要OT？4個令你比其他同事遲收工的壞習慣
Look out for further updates on our Facebook fan page!
Follow CTgoodjobs for the latest career news, hot topics and recommended jobs!