Next
【裁員不斷】公司突然裁走隔籬全team人 打工仔憂慮自己成裁員人選！事主嘆謂：真係好驚畀人炒，可以點做？
【裁員不斷】公司突然裁走隔籬全team人 打工仔憂慮自己成裁員人選！事主嘆謂：真係好驚畀人炒，可以點做？
2025-01-14
不少公司會求降低營運成本，便會選擇重整架構，作出裁員的決定。打工仔一聽到「裁員」一詞便會感到慮憂。近日，有網民於香港討論區發文，指公司上星期進行裁員後，懼怕仍有第二波來襲，自己亦會牽涉其中，因此詢問網民自己應該如何處理。
事主及網民分享
事主：公司上星期突然一次過炒晒隔籬全team人，而家我好驚仲有第二波，下個會裁埋我。出面市道好差，公司生意又唔係咁好，可以點算？
網民A：無得驚㗎啦，及早諗定後路啦！
網民B：考返個2號車牌傍身！
網民C：自己主動辭職咪唔使驚被公司裁員！
網民D：如果你真係驚嘅咪花多啲時間同心機做好啲，畀老細睇你係有能力同價值，咁就可以留得低。
網民E：其實依家搵份文職工基本上人人都識做，老細唔憂請唔到人，所以真係隨時炒人。我覺得就算你趁呢個時勢去進修都係無咩用，就算讀完課程之後去揾工，啲公司始終注重求職者工作經驗多啲，而且佢哋覺得求職者去進修只係紙上談兵，無相關工作經驗去搵工都係幫助不大！
網民F：呢啲邊有得驚？真係炒你再算啦！
網民G：一邊繼續做，一邊搵工啦。
網民H：賺得一日得一日，呢段時間盡量儲錢。
網民I：我屋企人未被公司炒，但公司畀咗2個選擇佢揀：1，繼續做但減福利；2，去深圳office返工，但處理香港公事，人工不變再有少少車錢津貼。公司開得條件2，代表香港office隨時執……
網民J：你係做咩行業呀？我公司無出現生意差嘅情況喎。
網民K：做事唔好咁縮骨！咁應該大機會唔會被人炒。
延伸閱讀：【蛇年辦公室風水陣2025】「欠靠山」會被裁員？升職加薪要放富貴竹？堪輿學家5招化解職場問題！
不少網民表示，打工仔難以預測公司裁員人選的決定，即使過住表現再好亦可能難逃一劫，因此建議事主不應杞人憂天，為未發生的事感到焦慮，影響工作表現。若事主對前途忐忑不安，可以先為自己舖定後路，尋求新的工作機遇或盡可能儲蓄備用金錢，慎防突然遭受裁員而未能生活。
有部分網民表示，事主可以在這段時間盡量展現自己的工作表現，主動請纓處理艱澀的工作，又或超時工作，讓老闆及上司看到事主對公司有着巨大的價值及用處，以避開日後新一波的裁員潮。
延伸閲讀：【裁員奇怪原因】美國公司CEO怒炒90%員工！原因係員工無出席公司早會？CEO：堅持裁員90%係正確選擇
按圖即看5個克服裁員焦慮的方法：
延伸閲讀：【裁員潮來臨？】打工仔好奇他人公司境況 大呻公司裁員不斷！網民：公司準備炒晒成個部門……
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!