【行業辛酸】繼承家族生意唔容易太子仔：日做12小時、睇親戚面口做人

CTgoodjobs' Editor

Published: 2021-07-14

Updated: 2024-06-05 16:10

提起繼承家族生意的第二代，很多人都會覺得他們「贏在起跑線」，不費吹灰之力便有一番事業，生活比打工仔輕鬆。其實他們背後一樣有辛酸史。近日有餐廳繼承人在討論區發文，表示所謂的太子仔，其實只是廉價勞工。不但工時長，還被長輩員工看不起，累積了很多壓力。

延伸閱讀：【職場熱話】讀書叻未必搵得多錢　打工仔感慨：中學考包尾嗰位創業好成功

事主表示父母經營一間小餐廳，由於雙親健康大不如前，於是大學畢業後便接手學習管理生意。不過他發現做「太子仔」只是表面風光，「做得好幫舖頭賺到錢就話我死好命靠父母，生意唔掂話我無鬼用，佗衰家、敗家仔、二世祖。」加上身邊沒有朋友做生意，所以有冤無路訴，累積了很多壓力在心中。

究竟事主面對什麼困難？（按圖了解）

+10

-一開始返工，班親戚老員工真係極品，當我仇人乜都唔教我。
-又將啲工作踢晒畀我，畀蕉皮我踏，背後對後輩指指點點。
-因為親戚有免炒金牌，佢哋平時懶懶閒，橋埋雙手睇股票，仲間唔中消失一個鐘。
-父母話親戚要包容，闊佬懶理，加上細舖請唔到人，咩都要容忍佢哋。
-我越勤力，班長老就越懶散，但無得累鬥累，損失嘅只會係自己。
-我一年返360日工，每星期做足7日，每日12個鐘。
-放工仲要執舖拖地洗廁所，返到屋企又要對數對單，病咗一樣要返工。
-睇住身邊中學大學朋友成日放假，三四個月去一次旅行，我就日做夜做走唔開。
-次次朋友聚會都出席唔到，慢慢身邊無晒好友，又無時間識女朋友。
-工時同薪金完全唔成正比，同父母要求加人工，佢哋會話將來d錢都係我，食午餐唔使自己錢仲想點。
-舊朋友以為我太子仔遊手好閒，新朋友以為我係死廢青。
-老竇老母覺得我應份，客人以為我係讀唔成書二世祖，皇親國戚同事當我仇人。
-總知就面面不是人！奈何做咗自己生意咁耐，已經返唔到轉頭出去搵工。

網民有咩意見？
-只能說父母安排得差，令你根本拎唔到成功感。唔好再屈埋屈埋，要趁早同屋企人傾吓，如果唔係盞你自己辛苦。
-會唔會係你做唔到成績出嚟，令親戚長輩唔信服你？我深信實力會證明一切，加油做實事畀人睇。
-有必要返12粒鐘咩？破舊立新改制度減鐘數，我見啲家族生意舖頭成日都好早收工。
-真心替你覺得辛苦，我都幫過屋企人兩三年，有苦自己知。而家唯有忍耐，等自己可以獨當一面或者親戚退休，就會捱出頭。
-做零售餐飲預咗一定困身，紅日最旺生意你唔使諗放假。不如你同父母商量，平日減少少工時？
-向好嘅方面諗，盤生意第日都係留畀你嘅，而家忍一時風平浪靜，日後到你揸旗想點就點！
-改變自己觀念，你已經比同期朋友行先幾步，自己一早創業做老細，仲有父母支持，好過好多打工仔！
-俗話都有講創業難，守業更難，做老闆唔容易，你都唔想父母多年心血敗喺自己手，努力捱過呢幾年，之後一定會有成果。
-如果有心改變就去進修另覓出路，止蝕唔好再哂時間落去。路係人行出嚟，你唔行永遠都原地踏步。

雖然好多人認為「打工無發達」，要做老闆才有出頭天。不過創業有一定的風險，除了看實力、運氣、資金之外，創業家本身的性格也影響生意的成敗。如果你擁有以下6種特質，恐怕不是太適合做生意，安份做個打工仔較好。

邊6種人不適合創業？（按圖了解）