【職場禮儀】00後返工兩日即被炒 老細直言事主衰呢樣嘢 網民：我帶新人都最憎樓主呢種人！

故事分享｜因為問太多問題而被解僱？

+11

+10

樓主：去完旅行，正諗住返工要做到自己想做嘅嘢，結果返咗兩日就被老細炒咗。明明唔識工作流程，要問到清清楚楚都好正常，但係老細畀我嘅feedback係「我覺得你未ready喺職場上做嘢」、「你問咗好多無謂嘅問題」、「我覺得你思維唔夠靈活」。

先唔講我思維靈唔靈活，做文職真係需要好靈活咩？新人一定有大意嘅時候，所以我就諗住問清楚啲流程，避免再錯。但就唔明點解話我未Ready，未Ready就唔會係咁問到明啦？

之前唔明大學生點解對職場咁迷惘，但係而家嘅我開始識驚，已經好難搵到啱心水嘅工，就算畀我搵到，好驚連試用期都唔過……喺線上占卜咗，結果都話我唔過，搞到我好擔心成世做唔到長工！

明明諗住最低限度返一年，跟住有個位畀我跳槽，再畀我搵到更加高嘅人工，但而家連第一關都卡住咗。

我事後有同朋友傾，佢哋都覺得係公司嘅問題。想問吓大家，喺間Start Up公司度返兩日就畀人炒，其實我係咪都有問題？

網民A：其實出嚟返工，公司係想請個做嘢嘅人，唔係嚟學嘢嘅人，佢哋會Expect畀得呢份糧請你返嚟，就要做到佢哋要求嘅嘢，而唔係由頭開始栽培一個員工。要學嘅應該Intern嗰陣就學晒，所以公司炒你都合理。不過都係睇唔同公司，有啲公司文化係你肯學佢哋肯教，睇你搵唔搵到啱你嘅公司啦。

網民B：Start up 要嘅係「快靚正」，佢哋工作環境係開創，要有行動力，係好似非洲咁嘅環境，唔係你死就我亡。你形容緊嘅你係膽小怕事唔敢犯錯，拖住大隊。

所以佢話你未Ready，我理解。你搵工唔係份工滿足到你啲咩，而係你畀到份工啲乜。

網民C：我以前帶新人嘅時候最憎就係畀人不停問，問到我連自己嘢都做唔到、去廁所都畀人阻住。同埋唔識自動波嗰啲，每一步都要我講先識做。我覺得你如果唔Sure自己做成點，可以喺Senior冇咁忙嘅時候做一次畀佢睇。因為不斷問真係好打擾人哋做嘢……

網民D：有時觀察都重要，你想用心了解流程當然係好事，但有時流程都可以靠觀察了解到個大約，到時機合適嗰陣再問都未遲。

網民E：好正常，Start up其實係好Chur，因為佢哋需要嘅係好有經驗／工作效率爆炸嘅人去開拓市場，所以建議FG真係唔好揀Start up或者未上軌道嘅公司，而係揀大公司學好嘢，再出去細Firm開高人工博殺。

網民F：問問題係冇錯，但係要問得有技巧，問之前最好思考一下個答案，然後連埋條問題一齊講出嚟問佢啱唔啱。

咁一來個問題即刻由Open Question變成Yes No Question易答好多，二來會畀人感覺到你起碼有帶腦返工。而家經濟唔好，炒人乜都可以係理由，話唔定佢搵到個人工平嘅代替你呢。

延伸閱讀：【職場文化】老實人喺職場特別輸蝕？細數老細唔會重用老實人嘅6大原因！

職場發問技巧：問問題前應考慮的3個條件

雖然不恥下問是一個良好的行為，但在職場上萬事切勿不懂就問！CTgoodjobs編輯部整理了問問題前應考慮的3個條件，讓你在發問前能夠多加注意，避開誤觸職場禁區！

+8

+7

提問的時機

• 選擇適當的時機提問，避免在會議或其他人忙碌的時候打斷他們。
• 可以先詢問對方是否方便回答問題，如果對方露出為難或忙碌的表情，可以向他表示你可以等他有空再發問，或者會否有其他人也可以解答你這一個疑問。
• 獲上司委派任務的當下是最佳提問時機。趁計劃尚未正式進行，可以先問清楚可以避免日後履行職務時走錯方向。

提問的方式

• 先以自己的方式嘗試解決問題，如果仍感到不確定或想詢問有沒有更好的辦法，再請教對方。
• 改變提問方式，不要直接問「你的建議是什麼」，而是用選擇題，例如「我的想法是XXX或YYY，你覺得哪個更可行？還有其他更好的方法嗎？」
• 用「請教」開頭而不是「我可以問你一個問題嗎」，會讓對方感受到你的誠意。
• 把同類型的問題整合後再一次過發問。

提問前的準備

• 先做好功課，對問題有一定程度的理解，再請教對方。
• 思考「這個問題應該問誰」，找出知道答案、會給精準建議的人。
• 清楚告知提問的目的，不要問一些籠統的問題。
• 如果問題解決了，有空時可通知對方後續發展，再次表達感謝。

睇埋：Manager竟然要Junior教做嘢！？

+12

+11

睇埋：辦公室生存警號！7大上司、同事不相信你的跡象！

+19

+18

延伸閱讀：【職場人際】同事入職3年 擁1種「特質」勁神秘？網民反駁：咁嘅人先最好！

延伸閱讀：【升職條件】升職冇你份有原因？5種特質阻礙你晉升！成日笑都出事？

延伸閱讀：【00後返工】00後唔識人情世故？大時大節唔識送禮畀有合作關係嘅公司 仲話呢種做法過時又老土？

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢