【職場理財】打工仔為慳錢日日計住時薪食Lunch 網民:不如帶飯算啦

【職場理財】打工仔為慳錢日日計住時薪食Lunch 網民:不如帶飯算啦

打工仔賺的一分一毫都是血汗錢,不少人為了儲起收入,日常生活每筆消費都要「左度右度」。最近有網民在討論區分享同事的慳錢方法,就是按時薪去限制自己每日食Lunch的開支。有人認為此做法太極端,間中「食好西」可以慰勞辛苦工作的自己;亦有人表示最慳錢就是帶飯,而且可以一碟餸分幾日食。

延伸閱讀:【職場熱話】公司Team Lunch鍾意食貴價餐廳 財困打工仔:點開口叫同事食平啲?

按圖了解同事的慳錢貼士:

打工仔:「同事今日分享,話自己理財貼士係謹慎消費。其中一項就係計住自己時薪,去選擇食乜價位嘅lunch。仲話如果餐飯超過時薪的話,會覺得良心不安,個心乸住乸住。我聽完好慚愧,我平時無咁嘅習慣,難怪人哋慳到錢。我好佩服佢,我淨係諗中午想食乜,完全無諗過自己做一個鐘夠唔夠食餐飯。想八卦吓有無人都會咁做?我咁食法算唔算太大使?」

網民意見:
網民A:咁搞笑,時薪同lunch掛鉤。除非做part time啦,如果唔係唔會咁樣計住……要慳就直頭帶飯啦~

網民B:咁唔通賺幾百蚊一個鐘,餐餐食幾百蚊咩,呢個講法有啲奇怪。

網民C:又唔係日日食幾百蚊lunch,連食個飯都計過度過,做人太辛苦。

網民D:我會大約預一星期總共食幾多錢,萬一有餐食貴咗,另一日食平啲拉番勻。

網民E:咁講法,樓主你咪可以推斷到佢幾錢人工?哈哈~

網民F:我會計住自己幾錢日薪去買嘢,有時會諗做幾日先可以買到,無謂買啲唔等使嘢,慳唔少!

網民G:辛苦搵嚟志在食,間中食下好嘢,唔好刻薄自己,個人都開心啲。

網民H:做part time嘅話我會計呀,最好份工嘅時薪係可以畀到來回車錢加lunch。

網民I:以前我計過,發覺都係自己帶飯最平,一份魚$20加一斤菜,分開一半帶飯,年中慳唔少。

如果你正值糧尾手緊時期,但屋企又沒有人煮飯,難道真的要捱麵包度日?最近有網民分享茶餐廳最抵食的碟頭飯,食物種類豐富,而且價廉物美,絕對是打工仔「糧尾恩物」!

網民熱選10大茶記碟頭飯:(按圖了解)

延伸閱讀:【職場理財】賺極都儲唔到錢?學識「六個罐子理財法」 你都做到有錢人

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/XwPwhQ4ZfkSEDKRR6

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】扶阿婆過馬路、隻貓阻住出門口?盤點最搞笑的遲到理由

  • 【職場熱話】22歲打工仔欠債20萬 學歷低打份牛工 大呻:好後悔賭錢

  • 【網絡熱話】朋友公司請咗大學同學出哂事? 網民:趁早炒咗佢啦!

  • 【職場英語】僱主嫌棄香港大學生GPA唔過3 網民:佢英文仲差過求職者!

  • 【職場熱話】着運動褲返工畀同事投訴 事主:個個着牛仔褲就得?

  • 【萬聖節行行有鬼故】樂園職員收夜 驚見價錢牌OOOO!

  • 【職場兩性】拍拖另一半嘅返工時間都係其中一個考慮因素?

  • 【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】打死一世工到老一場空? 網民:最重要學識知足

刊登招聘廣告