【職場熱話】打工仔男友超庹縮 學生女友:毫子都要同我計到盡!

【職場熱話】打工仔男友超庹縮 學生女友:毫子都要同我計到盡!

又要返工,又要拍拖,相信不少在拍拖中的打工仔都有一定的苦惱——儲錢真的很困難?拍拖會有一定的使費,薪金不多的打工仔定有不少壓力吧?所以,其實有不少情侶都奉行AA制,各付各的,那就可以減輕大家的壓力了吧?

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

有女網民在討論區Dcard上分享,表示自己還是學生時,與一位已踏職場的男士拍拖,該名前男友卻是她遇到過最庹縮的一人!她指自己示介意AA制,只是男友計得太足,且雙重標準,令她感到有點無奈。

 

即睇事主分享及其他網民回應:﹙按圖了解﹚

-我曾經有一任男朋友超級無敵庹縮,好彩一早同佢分咗手!

-佢係我學長,咁同佢一齊個陣佢已經畢業做緊嘢,而我仲讀緊書。

-佢嘅庹縮程度係點呢,係毫子都要同我計到盡!佢畀錢嘅話會連仙都四捨五入加上去,我畀就當冇呢件事。

-連佢屋企人請我食飯都要我出返份,佢屋企人話唔使,佢就黑我面。

-同佢食飯如果我有叫凍飲就要我自己出返,佢飲就平分埋我到!

-咁雙重標準!真心唔明點解對自己女朋友都可以咁!

-想知大家有冇遇過咁嘅人,定真係得我咁唔好彩?

 

-庹縮係冇問題,但問題係佢雙標,雙標不了,驚死會蝕底咁,做男朋友到佢咁小家……(佢呢種行為唔係AA行為,我冇話AA制係小家,費事有人get錯鬧我)

-另一半都ok計較,但唔係對我咁解。佢同朋友食飯會每次AA,仲會催人還錢;同我食就一人畀一餐,仲會特登揀貴果餐嚟請。

-其實AA唔代表計較小氣,正常食飯係要自己畀自己嗰份錢。

-我自己同朋友之間都係AA為主,有時朋友請我食飯我都會禮尚往來,只係覺得另一半對朋友,好似會銀包揸得緊啲,先會覺得佢庹庹地啫。有時就係有對比先睇得出嘅。

-咁係佢窮啫,有頭髮邊個想做癩痢?

-教下佢咩叫拍拖,朋友都冇咁計。

-我覺得佢唔鍾意你,因為男仔表達鐘意方式好直接,肯為你使錢,同願意陪你、包容你。

-生日同ex講想去海洋公園玩,佢:「ok呀,但我嗰張飛嘅錢你要出返一半。」真係世界級!

-我ex同你ex一樣,勁厚面皮咁計較錢銀又出軌,真係盲咗先同佢一齊。但係我ex孤寒可能天生嘅(留意到佢屋企人都係咁)所以真係早分早著!第日對自己老婆都係咁真係不得了。

-好討厭啲人幾蚊雞都計,但係又會用iphone。

 

AA沒問題 雙重標準才是問題
重申一次,其實事主認為AA制各付各的是沒問題的,正如網民所說:「AA唔代表計較小氣,正常食飯係要自己畀自己嗰份錢。」情侶間應該自己訂立雙方覺得舒服的付款方式,有些每次AA制、有些一人一次、有些每月才清算。

亦有些網民分享,「另一半都ok計較,但唔係對我咁解。佢同朋友食飯會每次AA,仲會催人還錢;同我食就一人畀一餐,仲會特登揀貴果餐嚟請。」對朋友可以計得清楚,但對女朋友又是否需要計得如此清楚呢?不妨思考一下。

總之,情侶間的相處方式是需要溝通,只要其中一方覺得自己永遠是付出、犠牲的一方,就是不健康的關係,需要解決和處理。

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀:【讀者投稿】Sales同事一個電話就要人交嘢 打工仔爆炸:淨係服侍你一個?

延伸閱讀:【職場熱話】返新工3日知道全team同事已經遞晒信 打工仔:伏味濃?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】黑雨地盤都要照返工 員工:水浸到要坐艇走!

  • 【職場熱話】「能者多勞」係讚美定懶人嘅藉口?網民:難聽過粗口!

  • 【職場熱話】做藥房都要跑數? 唔夠數要大懲罰:放無薪假、仲有…

  • 【職場熱話】夏天返office以為去咗汗蒸幕 員工:沖涼、吹頭乜都有…

  • 【職場熱話】工作後難識另一半 女網民:人生一定係買樓、結婚、生BB?

  • 【職場熱話】港女去Staycation屈蛇被趕 大鬧酒店員工冇人情味 被網民鬧爆!

  • 【職場文化】家人着工衣say Hi 事主感尷尬 被網民鬧爆:狗眼看低屋企人!

  • 【職場熱話】公司OT有錢補 員工:手錶顯示7pm 但個打卡機顯示OOO…

  • 【職場熱話】打工仔平時點獎勵自己? staycation、iPhone?有網民提議OO!

  • 【職場熱話】住觀塘返觀塘好爽?網民:由住宅區行去工業區又熱又冇車搭…

刊登招聘廣告