【極品上司】有事要住院 上司竟然日日打嚟問幾時出院?網民:呢啲一定係意見接受 態度照舊

【極品上司】有事要住院 上司竟然日日打嚟問幾時出院?網民:呢啲一定係意見接受 態度照舊

每個人都希望自己身體健康,遠離疾病。不過,遇上天氣轉變或其他原因,都會令打工仔不幸染病,需要申請病假,好讓自己能夠休養,盡快康復。近日,有網民於連登討論區以「上司要求我SL要睇Whatsapp」為題,大呻自己因身體問題需要住院,但上司卻不斷傳送訊息給事主,若然事主沒有即時回覆,更會使出「奪命追魂call」質問事主為何不回應Whatsapp,讓事主大受困擾。

延伸閱讀:【職場熱話】同事又疴又嘔都堅持返工 網民:SL啦!唔好以為自己咁重要!

按圖了解事主及網民回應:

事主:「話說我之前有排身體有事要住院,同咗上司講會請幾日病假,佢都批准我請SL嘅,但係就要求我SL期間要睇WhatsApp訊息。我入咗醫院嗰幾日就日日WhatsApp問我幾時出得院、問我究竟係乜病、幾時可以畀到醫生紙佢。只要我冇即時覆佢WhatsApp,佢就會係咁打嚟問做乜唔覆佢。病咗想我點on call,唔好玩我啦?」

網民A:畀我一定唔會覆,你上司問點解冇覆,就話自己食咗藥瞓着咗!

網民B:呢啲一定係意見接受,態度照舊。你唔覆多佢幾次就唔會再搵你。

網民C:發現香港上司真係好鍾意Micro management,乜都要管。

網民D:住緊院都要人即刻覆機,直接遞信啦,仲諗啲乜呀?

網民E:覆佢係人情,唔覆係道理,請咗假點解仲要覆機?

網民F:以前遇過類似嘅老細。嗰時我返返吓工突然發燒,我攞咗公司枝探熱機探槍,老細望到我燒到101度。由於我個人真係病到好頭暈,所以同老細講想晏晝請SL去睇醫生。老細聽到就話沖杯咖啡畀我飲,叫我同佢開埋會先走,但啲會一開就4至5個鐘起跳,我好驚自己開開吓會暈低,就婉拒咗老細,點知佢話沖兩杯咖啡畀我,飲完就唔會暈低……

網民G:有啲老細見你請緊SL,仲覆到公司WhatsApp,就會覺得你已經病好咗,鬧你做乜唔返工。

網民H:直接同你上司講,有乜事就嚟醫院傾!

網民I:樓主可唔可以畀返啲尊嚴自己?病緊住院都仲覆上司message,好心你就唔好覆啦。

網民J:所以話工作同私人電話真係要分開,一熄返工電話,成個世界就會清靜晒。

網民K:我係你就岀封email send晒畀全公司,叫個上司唔好再騷擾同阻住你休息,唔係嘅話只會需要更長時間留院。

延伸閱讀:【離職徵兆丨職場健康】唔想為份工冇咗人生?長期心情差?5大跡象顯示你要轉工!

不少網民都對事主經歷表示同情,指申請病假代表身體因病而需要休養,尤其事主更是嚴重到住院的程度,紛紛建議事主無視上司訊息及來電,或告知上司因服藥關係需要睡覺休養,因而未能即時回覆。亦有大批網民表示面對這類上司應該作出反抗,以免他得寸進尺。

延伸閲讀:【職場熱話】「射波」常客被醫生記得? 網民分享 「拎醫療卡都知你咩料」

網民聽過最誇張的病假理由:

延伸閲讀:【2023請病假理由】5個「老細最易接受」的Sick Leave藉口?有醫生紙/病假紙都扣糧?

如何有禮貌地英文告知上司需要申請病假?

延伸閲讀:【職場熱話】打工仔翌日sick leave半夜wts同事交低手頭事被罵 網民:好心你朝早先send啦


最新專訪片︰

【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【2024年職業前景】大學生注意!呢5個職業前景最好 ESG策略師月薪可達10萬?

  • 【職場熱話】辭職被公司要求檢查手機對話及相簿 網民:警察都冇權睇啦

  • 【推薦信|工作】上司唔肯寫reference letter畀下屬 搞喊同事!網民:其實有另一樣嘢咪夠!

  • 【職場熱話】斥同事雙重標準 打工仔4個月轉7間公司 網民:想搵正常職場環境嘅工難過登天

  • 【職場熱話】新工試用期只有1個月合理? 求職者:未來上司話我好適合份工……

  • 【產假申請2024】打工仔有咗BB 應該幾時同公司講?申請產假要準備咩文件?即睇懷孕後通知僱主時間及如何申請懷孕證明

  • 【職場熱話】次次食完飯個鋅盤就塞咗!HR落令禁止同事OOO!

  • 【見工面試】被問「未來5年會有咩目標?」應該點回答以提高錄用機會?

  • 【見工面試】你點解會唔做之前嗰份工?面試應該點答先唔會變成訴苦大會?

  • 【職場熱話】人工45K冇壓力但冇前景 公司減人手推「肥雞餐」賠半年人工!點揀?

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow