Next
【年度評核】上司同打工仔均為I人 入房做Appraisal時大家你眼望我眼！事主：上司隔咗陣就叫我出返去
【年度評核】上司同打工仔均為I人 入房做Appraisal時大家你眼望我眼！事主：上司隔咗陣就叫我出返去
2025-01-10
踏入新一年，又到Appraisal的季節。打工仔若遇上「長氣」上司，Appraisal的時長短則半小時，長則1小時不等，嚴重打亂打工仔的工作流程，因此令他們感到有所煩嫌。近日，有網民於社交媒體專頁「奴工處」投稿，指自己上司從來沉默寡言，在進行Appraisal事主與上司更出現面面相覷的景況，令眾民哭笑不得。
事主及網民分享
事主：年尾嗰陣做Appraisal，公司HR話一定要面對面做評核。新上司平時都唔係點講嘢，就算叫我哋負責做嘢都係會用email通知我哋。入到房做Appraisal嗰陣，佢完全唔出聲，然後大家你眼望我眼好尷尬……最後佢話：「無咩事你出返去先……」
網民A：有個咁嘅上司幾好喎！
網民B：另一個角度，其實咩都經email即係白紙黑紙留晒低，相對細機會卸膊畀你。
網民C：人工加幅一早定咗，無特別嘢就快手完咗佢算啦。
網民D：坐一陣就感受到你嘅人工加幅，佢係好上司嚟。
網民E：一定要面對面做Appraisal咪大家入房簽個名就走，唔好阻住大家做嘢。做appraisal要講一大輪嘢真係好嘥時間！
網民F：都係行個程序啫，做唔做到嘢，唔使見面先知嘅。
網民G：咁快手咪好！最怕上司要講成個幾鐘無聊嘢，阻人收工。
網民H：如果上司多意見、專登搵嘢嚟講你仲煩！
網民I：敵不動，我不動！
網民J：我公司每次做appraisal之前都要寫返份報告，12月就已經要講新年願景，2月又要諗今年嘅個人目標，3月又要交未來3年對公司發展嘅期望……係每年都要諗定3年後呀！搞咁多嘢就只係為咗年中嗰個appraisal咋……
網民K：炒咗個HR啦，逼人一定要面對面做有咩意思？
延伸閱讀：【Appraisal丨加人工】拎太多年假會影響Appraisal？ 經常射波難以升職加薪？
不少網民看到事主的經歷後，大讚事主上司爽快，他們認為事主的工作能力一直被上司看在眼內，無需在Appraisal時花時間讓事主回顧過去1年的工作量及辦事能力，而且薪金調整方面公司一早有定案，因此欣賞上司不拖泥帶水的作風。
有部分網民表示，每次公司進行Appraisal時需規定面對面交談，若上司喋喋不休，便需要浪費更多時間才能完成，不但嚴重影響打工仔的工作效率，亦會耽誤下班時間，令打工仔對此感到十分不滿。上司以「行流程」的形式進行Appraisal，其效率之高，建議其他上司應該效仿。
延伸閲讀：【年終考核】管理層必學！「271」法則賞罰分明 更有效管理員工
按圖即看3個員工在工作表現評核會犯的錯：
延伸閲讀：【Appraisal評語2025丨30句實用例句丨附3大常見錯誤】年尾唔識寫自我評核？10大範疇中英對照實用評語懶人包
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!