【管理問題】老闆擔心員工請假見工逼問管理層交代下屬請假原因事主：我就算問都唔會講真話啦！

CT熱話管理員

Published: 2026-03-28 19:00

Updated: 2026-03-28 19:00

在職場上，請假本是員工應有的福利，但當涉及請假原因時，往往成為老闆與員工之間微妙的溝通橋樑。每當發現員工有意另謀高就時，管理層也會份外小心「批假」。但相信沒有一位打工仔請假見工時會直言各向公司交代，同時亦衍生出另一個問題「請假是權利，是否有必要如實向上司交代原因？」。

網民在網上平台「Threads」上分享指自己作為管理職層，每每遇上下屬請假時也不會過於追問原因，可是老闆每次就會逼問他交代下屬請假原由，並直言「請假去見工我唔會批！」令事主苦惱不已，陷入兩難局面。

擔心員工見工要求交代請假原因

+25

+24

請人！請人！請人！
🔗職位空缺傳送門🔗
▶【政府/公共機構】工作機會
 ▶【月薪$25,000+】工作機會
 ▶【兼職Part Time】工作機會

[[Jobslider:▶️【月薪$25,000+】工作機會, url:https://jobs.ctgoodjobs.hk/jobs?salary_type=MON&salary_from=25000&salary_to=999999]]

事主：同事入紙請假，我攞張表格畀老闆簽。

老闆：佢咩原因請假？

事主：我無問！

老闆：你應該要問

事主：（我次次都唔會問，但老闆就次次都問我，今次我忍唔住問佢）

事主：其實點解要問原因？AL係佢哋應有嘅福利……

老闆：因為我係老闆，我想知點解！

事主：吓？

老闆：如果佢哋請假去見工我唔會批！

事主：但係無人會話去見工……

老闆：咁係佢哋唔誠實！

有時同老闆溝通完我真係唔識畀回應，不過佢未試過唔畀人放假，只係點都要問吓……

網民Ａ：有些僱員需要明白以下概念：

年假是申請，不是通知。僱主是可以不批的，亦不需要理由。你申請時可以不給原因，但他亦有權不批。僱主一定要放年假給僱員，但僱員無權選擇日期。

根據香港法例第57章僱傭條例41AA8(b)「僱員須在與僱主雙方協議的日子放假，如未有協議者，則由僱主指明放假的日子。」雖然僱主在指定日子時也有一些規定，但理論上不需要考慮僱員的意願。的確很無奈，但法律是這樣寫的。

網民Ｂ：宜家係通知你請假……唔係要你批！

網民Ｃ：普遍香港老闆都係控制狂，永遠要高高在上。我試過SL喺公司WhatsApp群組講，老闆叫我下次要私下同佢講先，但我哋只係3人蚊型公司……

網民D：試過屋企人入醫院（急症），我臨時上午請假半日，下午上司同我講請事假要提早請，公司有權唔批……

網民Ｅ：呢個老闆困咗係自己世界好耐，見工請SL㗎！

網民Ｆ：每次放假都話去外地見姨媽！利申：我家族根本無姨媽呢個角色！

網民Ｇ：一般足夠時間前申請假期嘅就唔使講原因嘅，但如果畀唔夠時間又要好急放假，一般老闆都會問。

網民Ｈ：啲員工都幾慘！

網民Ｉ：我試過請假照直講去主題樂園玩！

網民Ｊ：返工做咩就你要知，放工放假做咩你都要知？

網民Ｋ：好老一代思想！

請假是僱員依法享有的權利，僱主有權知悉請假原因，但員工是否如實交代則屬個人選擇。部分老闆要求管理層追問請假原因以掌握員工動向，擔心員工利用假期另謀高就反映出事主公司上司與下屬間缺乏信任，老闆又過於監控的狀態。其實上司應在尊重員工私隱與保障公司運作間取得平衡。員工亦應了解自身權益，促進良好溝通與和諧工作環境。

延伸閱讀：【打工福利】荷蘭有「工作倦怠假」？有醫生紙仲可以照出糧！

+13

+12