【Omicron】同事中招 老闆仍要求返工 網民：返少一日會執笠？

雖然疫情持續，每日確診數字上升仍未見頂，但很多公司都配合政府政策，安排員工在家工作（Work From Home，WFH）以減少傳播機會。不過，卻仍有一定數量的公司未懂策定人道政策，使員工無所適從，感到無奈⋯⋯

延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！ 

有網民在社交平台專頁「扮工室Online」上發問，指：「有冇人公司有同事中咗，老闆都要你哋返工？」當大家以為這是常識問題，豈料原來有很多公司的老闆都不當Omicron是一回事，完全沒有考慮傳播風險，覺得員工在公司工作才是最重要⋯⋯大家的公司有甚麼的抗疫安排呢？你是幸運的一群，還是不夠幸運的一群？

+13

+12

網民：「其實中咗，私家醫生唔睇你，公營醫療系統睇你唔到。無醫生紙請唔到病假，一係扣AL一係no pay leave 。盡公民責任就話自行家居隔離，你中咗無醫生紙唔返工，公司真係可以當你曠工⋯⋯（唔知有冇理解錯）」

網民：「重點中咗係無任何通知，最多得個初步陽性紀錄，就算係有電話打嚟話有編號，公司又話上網搵唔到資料﹐唔知係咪老作⋯⋯」

網民：「照返，返到去傳畀老闆，實行同公司上下一心齊與病毒共存。」

網民：「自己檢測中都冇用，一日政府嗰個唔出嘅話都冇證據可以唔返工， 政府個報告話要等五至六日啦，呢段時間去返工啊，都傳晒畀人啦！最慘就算有政府個肺炎報告，公司都只可以放大假，唔畀病假。」

網民：「大把啦，唔返一日好似會執笠咁！」

網民：「好多老闆睇中咗而家政府話屋企人先係緊密接觸者呢樣嘢，但又唔諗吓正常一個打工仔， 一日24小時，其實有一大半時間喺公司。」

網民：「基本嘢，我個女前日中咗，到而家都無政府人員理過我，我開工個地盤仲話檢測兩次陰性可以照開工，我而家全家發緊燒，過兩日我會再落街做檢測，政府從來無提供過藥物醫療食物，只有在家自救同等自己被傳染。」

網民：「有阿。仲要喺公司做埋檢測，冇事嘅繼續返。」

網民：「公司中3個都要返呀！只係安排咗第二日消毒，但對人體無害，所以請按時返工，不過都隔日WFH嘅，仲可以早放兩個鐘，算係咁。」

網民：「我公司都係，仲要唔安排消毒淸潔，仲要唔出聲話畀其他同事知，扮冇事咁。」

網民：「如果我公司係咁，我老細都會要我哋返，只會講句大家小心啲，但佢自己已無返公司。」

網民：「大把啦！仲話去做完檢測唔使等報告直接返工，然後個個同事除晒口罩喺公司食晏，咁有咩分別？但老細自己又唔返工。」

網民：「乜呢個世有嘢阻到香港人返工嘅咩？」

如果可以多一番體諒
其實有做香港人真的很辛酸，要配會公司政策，而公司又要配合多變的政府政策⋯⋯有不少網民都分享自己公司如何對待員工，作為員工的壓力其實都很大，一方面擔心難以為生，一方又擔心自己傳染家人。如果作為老闆的，可以多一番體諒，相信可以減輕大家一點壓力，

有網民表示：「好多老闆睇中咗而家政府話屋企人先係緊密接觸者呢樣嘢，但又唔諗吓正常一個打工仔， 一日24小時，其實有一大半時間喺公司。」亦有網民指沒有醫生紙，難以請病假，但都有網民指，有公司採取較彈性的做法，讓員工拍下快測結果和當天日期，就可以當作病假。

疫情期間很難捱，希望員工和公司都可以一同捱過去。
 

延伸閲讀：【NGO熱話】老闆確診 太子女翌日照返工！員工：可唔可以有返啲常識⋯ 

+13

+12

延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！ 

延伸閲讀：【疫下新常態】室內設計與VR結合 3D網上商店加強網上營銷 

延伸閲讀：【人物專訪】一種香水一個故事 以香味盛載回憶與情感 

⏩⏩  需要請人？立即刊登招聘廣告！  ⏪⏪