【ISWIM】《i.Swim》金句揭示職場黑暗:同上司打好關係 全世界都係咁樣做嘢!

【ISWIM】《i.Swim》金句揭示職場黑暗:同上司打好關係 全世界都係咁樣做嘢!

炎炎夏日,最適合游水消暑又或者看偶像們游水,都可能有消暑之效吧?近日《i.Swim》播出近一半集數,Edan(呂爵安)、Jeffery(魏浚笙)、Stanley(邱士縉)一眾主角們故然搶眼,不過飾演Miss翁的吳海昕和飾演焦sir的楊偉倫一段職場金句卻惹來不少打工仔的共鳴!

延伸閱讀:【辭職學問】辭職信使唔使講原因?唔通真係一句:頂唔順你哋所有人?

相信不少打工仔都曾經抱有一股熱血、正義的心,還記得初出茅廬的自己,曾試過為某些人和事抱不平、強出頭,到頭來沒有人感謝你,吃虧的卻是自己,非常委屈又無奈。然後大家學到事不關己就不要再投入更多,慢慢由那個堅持着正確的事的人,變成當初在你身邊的那些圍觀的群眾,不經不覺地為了保護自己而被同化了。大家都有這樣的經歷吧?

《i.Swim》第五集中,焦sir與Miss 翁的一段對話,令人感受到職場的黑暗。前設是魏浚笙飾演的余浪沖於去年水運會中甩褲失態,令學校聲譽受損,所以校長不想余浪沖今年再參賽。不過Miss 翁卻為了捍衛「學生皆可以公平參賽」的原則,不停向校長爭取,無視校長的反對。

即重溫焦sir與Miss 翁的對話:(按圖了解)

焦:我同你夾吓點樣解釋。

翁:要解釋乜嘢?余浪沖剛才表現得好好,校長冇理由要怪佢。

焦:校長唔會怪佢,但會怪你。

翁:怪我乜嘢?而家證明畀佢出賽係啱!

焦:你唔明呀miss翁,由你唔接受校長意見嗰一刻起,余浪沖佢游成點根本唔係重點,重點係,你冇畀面校長。

翁:你會唔會諗多咗?

焦:你唔明㗎啦,喺嗰個位嘅人佢哋係咁諗嘢,可能過咗一排,佢可能會唔記得你哋為咩拗,但佢淨係記得一樣嘢啫,就係你唔聽佢話。校長寧願你跟佢意思做錯,都唔想你逆佢意思做啱。

翁:就係你啲人咁諗,先會一直錯落去,如果冇人敢出聲,咪成車人一齊衝落山囉!

焦:咁總好過淨係你一個人自己衝落山呀!

翁:真係自私到極!

焦:Miss翁,我哋唔係學生,啲學生畀人鬧兩句,下學期冇嘢啦,但你呢?如果校長真係嬲咗你嘅話,你唔好話升職,佢喺出面識咁多人,佢一句負評嘅話,你冇運行!

翁:你只係識得諗自己同校長,咁咩學生呢?唔使理佢哋感受?

焦:大佬呀!同上司打好關係,全世界都係咁樣做嘢!嗰啲學生,就算佢哋第時大個咗,佢都會明㗎!

奴性重還是講事實?
不少網民都批評焦sir的對白堪稱奴性最重的金句!不過,其實靜下來思考一下,他所說的其實正正是所有職場的現實情況,很多任職管理層的上司、老闆,就正如焦sir所說的:「喺嗰個位嘅人佢哋係咁諗嘢。」認為閒事少理,很多的歪理、不公都默默地扭曲自己去接受、去忍耐,然後被同化,認為不按這套規矩辦事的人,才是有問題的人。

而像Miss翁一樣堅持做自己正確的事的員工,多被打擊幾次,就會明白到社會的殘酷,發現愈堅持就只會令自己的路更加難行。面對如此的狀況,有多少人仍然可以堅持自己認為對的事情?雖然很多事情為了持守一份信念,都會有後果,然而,就算知道前路難行,但起碼,你仍然懂得明辨是非,對得住自己的良心。

你們會怎樣選擇呢?

延伸閱讀:【辭職學問】辭職信使唔使講原因?唔通真係一句:頂唔順你哋所有人?

延伸閱讀:【見工面試】面試官講呢5句說話 可能代表今次冇你份了…

延伸閱讀:【NGO熱話】社福機構請文員 但要識拍片、剪片 人工仲要只係得⋯

延伸閱讀:【職場文化】網民大數日資公司文化差異 連喺位工作都要保持微笑?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;