Next
【見工面試】招聘廣告列明要識Excel 有冇人扮識都過到關？
【見工面試】招聘廣告列明要識Excel 有冇人扮識都過到關？
2023-07-18
求職者會仔細查閱招聘廣告上的要求後，才會去申請工作嗎？還是覺得自己已經乎合了大概的要求，明知自己有些不合乎要求的都先申請後再算？畢竟有些技能未必需要在面試時考核，是否真的表現得自信，甚麼都說可以和甚麼都說好就可以過關？
延伸閱讀：【好上司】有幾多打工仔有病、屋企有事唔敢請假？ 好上司：一切應以家庭為先！
有網民在社交平台專頁「奴工處」上投稿分享，正正就是提出這類問題，道：「而家愈唔愈多工會喺招聘廣告度寫明，要求求職者要識office（特別係Excel），但實質上見工未必會做相關測試，所以好奇有冇人明明唔識或者唔熟，但扮識照寫落CV又過到骨？」可能不少打工仔都試過「作大」，不過如果之後靠自己的方法來解決問題，這又是否可行的方法呢？
即睇網民回應：（按圖了解）
網民：「最緊要個 candidate 就算唔識，但都會自己去MS Excel Help、Dr Google、YouTube search 吓，Excel 1995 到依家已經加咗好多新嘢！」
網民：「Excel勁多人唔識Formula，做落抄吓舊file多數咪又過到骨，Word都唔識，我唔理解呀吓，word都唔識會唔會完全唔識電腦？不過唔熟/唔識用多啲功能係有嘅。」
網民：「有，政府工，唔識輸出PDF，打喺word再print screen照出新聞稿。」
網民：「之前有同事分享，個同事CV話識中文輸入，到返工先知，原來佢講緊手機嘅筆劃輸入……」
網民：「九方我都唔mind，最緊要你自己識裝、一開波講明，唔係語音我都ok，呢個世代要降低要求，太多嘢太方便，令到而家嘅年青人雖然多用手機電腦，但反而冇80後、90後咁。 以前唔識打字嘅一玩過online game、xanga嗰啲就會識，而家個個語音點會學。」
網民：「都有好多工寫明要有熱誠，其實唔需要，入到去其他同事都冇。」
網民：「用自己方法做到相同效果咪得囉！」
網民：「我真係識人連用excel 計加減數都唔識，莫講話其他formula。」
網民：「我公司仲有人用手寫版添啦！」
網民：「勁多只係識sum、vlookup就話自己識用囉。不過最恐怖係連vlookup都唔識，只係用嚟加減乘除同當有格嘅word用。」
網民：「你過到個3個月咪得囉！」
網民：「微軟有MOUS認證考試，可考核用戶對Office認識程度。其實有沒有公司要求應徵者擁有MOUS證書？」
網民：「新同事夠吹到自己英文好勁，但又成日串錯字。」
網民：「有，當年有個阿姐話自己識用電腦，咁嗰陣急住請人就請咗佢。點知教教吓先發現原來佢係連電腦都唔識開，最後返咗一個禮拜畀我鬧到走咗。」
貨不對辦
不少網民都分享遇到過貨不對辦的情況，不過有些網民覺得，其實隨着時代的改變，要達到某個結果都未必只有一個方法，如果該員工之後用自己的方法可以完成工作要求，那其實又不算甚麼大問題，畢竟現在搜尋的方法如此方便，要找到一個解決方法並不困難，反而員工的解難能力才最重要。大家覺得呢？
延伸閱讀：【好上司】有幾多打工仔有病、屋企有事唔敢請假？ 好上司：一切應以家庭為先！
延伸閱讀：【職場兩性】會唔會不自覺同另一半比較人工、職銜、公司規模？
延伸閱讀：【紅色炸彈】返工第一日即收同事喜帖 網民：連名都叫唔出！佢敢派真係勁！
Tags︰
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!