Next
【Appraisal】被上司賞識有機會升職但冇得加人工 你哋又肯唔肯？
【Appraisal】被上司賞識有機會升職但冇得加人工 你哋又肯唔肯？
2022-03-28
【Appraisal】被上司賞識有機會升職但冇得加人工 你哋又肯唔肯？
打工仔每年最關心的便是有否升職加人工，但年年這個希望都不一定能如願實現，因為公司總有種種理由，有時可能升其他人不升你，又有可能升職，但不加人工，如果真的面對「升職加辛」的情況，大家又會想升職嗎？
延伸閲讀：【職場兩性】情侶同居但工作時間唔同 WFH先係地獄！一個開會、一個打機⋯
有網民在社交平台專頁「奴工處」上投稿分享自己正面對的情況，因為上司已經表明不能加人工，卻又覺得事主值得升職，事主實在不知道該如何抉擇，「又到咗review appraisal嘅時間，直屬上司話公司開到聲今年冇人工加，但佢覺得我做得好好，所以想畀我升，但我心諗：冇人工加，升咗責任大咗，好似冇咩着數。想問大家呢個情況會唔會想升？」
即睇網民回應：（按圖了解）
網民：「記得多年前有份工，我辭職時個老細話升我（公司連埋老細四個人）我話咁人工呢？佢答照舊，我即時cut佢線收工。」
網民：「如果想走，升，拎個title搵工；如果唔想走，唔好做傻仔。」
網民：「除非諗住攞個title去搵工，否則真係唔好，升職加辛，完全返唔到轉頭。」
網民：「你揀唔升，工作都係畀你做。」
網民：「信我，之後係唔會補返依家應該升職嘅薪金畀你。」
網民：「升，賺咗個靚名先，之後轉。」
網民：「梗係升啦，title高咗，容易搵工嘛。」
網民：「拎咗個名之後搵路數走。」
網民：「睇公司規模背景，如果係幾十人嘅中小企，講出去都無人識，升咗只會加工作量同責任，升你都傻！如果係行業龍頭大佬，升完做一年咪跳到走。」
網民：「升咗先，以後可以傾加人工，又或者出去搵高一級。」
網民：「升咗馬上搵工走，搵返個同title加咗人工嘅做。」
網民：「然後下個月請人replace你原本個位，但人工高過你。」
網民：「睇你行業升咗係咪會容易搵工叫價，或者係咪升到supervisor /AM 位。再睇埋長遠會唔會可以去到啲大公司。如果無嘅就寧願加人工好過升職，最緊要睇你係咪想要個title。」
升還是不升？
雖然有網民分析道：「如果想走，升，拎個title搵工；如果唔想走，唔好做傻仔。」不過都有網民提醒，覺得上述想法太天真，因為就算事主選擇不升職，之後的工作其實都會交由他做，所以大部分網民都認為事主應該先升職，起碼有一個不錯的職銜，可以方便以後找其他工作。
所以，其實就各個方面而言，有升職的機會就怎樣都先把握吧，之後覺得人工不似預期才再覓出路！
延伸閲讀：【職場兩性】情侶同居但工作時間唔同 WFH先係地獄！一個開會、一個打機⋯
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
延伸閲讀：【疫下新常態】室內設計與VR結合 3D網上商店加強網上營銷
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!