【Annual Leave】請假卻遭老闆「提醒」 打工仔嘆:佢話我放假影響公司運作成本⋯⋯

【Annual Leave】請假卻遭老闆「提醒」 打工仔嘆:佢話我放假影響公司運作成本⋯⋯

打工仔辛勞地工作,偶爾也會有快撑不住的時候,那時候便會尋找工作動力,請假慰勞自己就是其中一種。豈料這個基本權利,也會被剝削。在網上討論區Dcard有台灣打工仔訴苦,指他向老闆請假,卻遭對方提醒:「他說我放假影響公司運作成本。」

點圖了解更多事主分享:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

「話說最近發生咗件好匪夷所思嘅事,喺公司我嗰個部門只有我一個人。因為我有啲私人事,所以我必須要請兩日假(唔可以改期嗰種),當中有一日咁啱要開會。後來我老細Send訊息畀我,同我講,『你請假嗰兩日,有日要開會,你有咩睇法?』我一頭問號唔知佢咩意思。

後來佢就開始問我請假嘅原因,我就答咗佢(其實遞假紙嗰陣已經備註咗),佢又問我一大堆無聊嘅問題,我就越嚟越唔知做咩,變相佢就問我如果嗰日無放假會點,佢同我講自己嘅經歷,話件事可以一日解決到,做咩要放兩日,話我喺度呃佢。搞咗好耐佢先批咗我張假紙,佢仲話:『我都係要提醒你,你請呢個假,係影響公司嘅運作成本,你要知道呢點。』我覺得勁莫名其妙,我係咪一年四季都唔可以請假?我明明係嗰啲無咩事都唔請假嘅人!唔通係因為我喺開會嗰陣請假?無我開會都無乜分別啫」

網民回應:

A/真係唔明你老闆做咩,佢睇嚟就係好想你返工,唔畀你請假

B/同老闆講,請提供會議紀錄,等你可以有銜接交辦事項,或者有咩需要你喺會度講,都畀你提前確認返,不過呢間公司請假都有問題,睇嚟此地不宜久留,快啲搵過份工

C/只係個鍾意欺壓員工嘅老闆,請假使咩理由?佢只係想畀你覺得佢係皇帝

D/咪就係唔想你放假,知道唔可以唔批你假,又怕你會有錄音

E/你都唔係咩重要人物,對公司運作成本會有咩影響?

F/好明顯就情緒勒索

G/你都同佢講,提醒你,放AL都係員工嘅基本權利,你要意識到呢樣嘢

拒僱員於指定日子放假 不屬違法?
在香港不讓員工在指定日子放假,是否犯法?根據香港法例第57章《僱傭條例》,第41AA條列明,「所給予的年假時間,由僱主經徵詢有關僱員或其代表後決定。」即是員工需要與僱主商量,並作最終決定。相信很多打工仔都會覺得這個條文相當不合理,但實情僱主的確有這種權力。可是並非所有公司都會嚴格執行這種規例,皆因僱主都會有人性化的考量。最重要的還是有商有量,做好工作安排,這樣才做到僱員開心放假,僱主也安心。

2023年應該如何請假?(點圖了解更多)

 

即睇7個貼士,令你放假後返工唔會失落:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質


最新專訪片︰
組合MIRROR、COLLAR填詞人Oscar︰「我好享受辛苦的創作過程」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;