【0+3】通關想請假去旅行 竟被老細指:放5日太多啦!唔批!

【0+3】通關想請假去旅行 竟被老細指:放5日太多啦!唔批!

隨着新冠肺炎疫情趨緩,政府終於推出「0+3」政策,來港旅客無需酒店隔離,但三天內仍然不許進入餐館、酒吧等指定場所,一眾等了兩三年沒有去旅行的打工仔,一定立即請假出發吧!不過,即使儲了很多大假,現在想一次過放,又是否真的可以順利呢?

延伸閱讀:【0+3】去日本旅行同事要求代購 打工仔:呢個煩惱又返嚟喇

有網民在社交平台專頁「奴工處」上投稿,指想請5日假去旅行,但老細卻指因為太多日,所以唔批!大家都替事主感不值,如此理由而不批假,其實有沒有犯勞工法?

即睇事主分享及網民回應:(按圖了解)

事主:「之前去旅遊展贏到機票,但要明年3月之前用咗佢,諗住請五日嚟個短旅行,本來上司話佢無意見,但老世話做乜放咁長嘅假,即刻就話唔批,唉,等咗三年真係好想去旅行啊!」

網民:「我老細連放兩日已經話長(請一日但連埋公眾假期都會話長),疫情以來部門都冇人請過連續兩日,啲同事痴線到每日請1至2個鐘清假,仲要係請朝早。」
網民:「即走啦,駛鬼理佢,請5日都話唔得!」
網民:「佢自己又係唔係唔放長假先?我以前有個老闆又係咁,寧願啲同事走一次過拎錢,觀念嘅嘢,唔夾就唔夾,走為上着。」
網民:「返工係為咗提高生活質素,唔係為咗做井底之蛙。旅行所認識嘅新事物都喺為咗提高生活質素。所以疫情前,會每年一次請晒當年嘅AL,加埋假期,星期六日,去個歐洲三星期至一個月,四至五個城市,慢慢認識,慢慢放鬆。」
網民:「仲有時間就搵定工啦,再唔係咪SL囉。BTW,請5日假都係短旅行?連埋星期六日可以9日。」
網民:「留意僱傭條例,如果年假少於10日,不多於3日可以分開放,其餘應該要連續放。」
網民:「放假去旅行係為咗之後工作更有衝勁,有啲老細個腦就係轉唔到。」
網民:「我會準備一封放假申請,一封離職通知,畀老細二選一。」
網民:「好多公司都唔批,但係會強制新年放多幾日假,一係就扣假期一係就扣人工,大公司就好少少。」
網民:「請兩日AL加3日Sick Leave。」
網民:「如果一定要去旅行,惟有唔做。」
網民:「五日假都叫做多!?個老細都有病㗎!真心建議搵定工!」
網民:「你嗰5日係咪搭正你公司最忙嗰陣先?聖誕搭頭搭尾就唔係5日,係十日喎。」
網民:「冇問題㗎,即刻返埋位印封信擺佢枱頭,一係收信,一係批假。」

勞工法例點講?
有網民指老細以「放太多日假」為由而拒絕員工放假,原來有機會觸犯勞工法例!因為在勞工法例第四章中,年假的發放的一節提到, 在受僱每滿 12 個月後,僱員須於隨後 12 個月之內放取應得的有薪年假。

年假日期應由僱主在徵詢僱員或其代表後指定。僱主須至少在假期開始的 14 天 前以書面通知僱員年假的日期;如雙方同意,可以較短時間通知。

年假須爲一段不間斷的期間。但如僱員要求,僱主可按下列方式給予年假:

年假日數不超過 10 天: 可將不多於 3 天的假期分開發放, 而餘下的年假則應連續發放
年假日數超過 10 天: 最少連續發放 7 天年假,餘下的年 假可分開發放

如年假期內適逢休息日或法定假日,該日應視作年假,而僱主必須爲僱員另定休息日或法定假日。

(資料參考:勞工處)

延伸閱讀:【0+3】去日本旅行同事要求代購 打工仔:呢個煩惱又返嚟喇

延伸閱讀:【NGO】幼兒工作員VS幼稚園老師 兩者有咩分別?人工相差$10000

延伸閱讀:【Office豪華旅行團】Google辦公室着重以人為本 員工日日有Lunch buffet !

延伸閱讀:【職場熱話】拎錯上司糧單 發現人工只係多自己$500!你會覺得點?

延伸閱讀:【職場文化】返工鍾意返早更定夜更?網民:返夜更好容易時空錯亂

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;