【面試經歷】求職者問一條問題 即被HR以私隱為由拒絕回答 網民：似係你有問題喎

見工最重要是互相尊重，如果求職者問了一些敏感問題，很容易會令HR對你反感。有一名求職者在社交媒體專頁「奴工處」投稿表示，自己在詢問HR一個問題後，對方即以「公司私隱」為由拒絕回答，雙方最後更不歡而散。不過，不少網民都認為對方態度差主要是樓主的問題，更稱「點解而家咁難請人就係咁解，正常人真係唔易搵。」

延伸閱讀：【面試技巧｜問題唔識答算好？】面試有問題唔識答 強行回答定大方坦誠唔識？即睇7種拆解難題嘅方法！

按圖睇樓主及網民回應：

+11

+10

樓主：曾經去過一間大集團見文員，見我嗰個人係個矮胖嘅女HR，佢「查家宅」咁，係咁問我過去10年做過咩嘢嚟。直到佢介紹份工嘅背景嗰陣，我好奇問佢個Manager係男定係女，點知佢打個突，就以機械式口吻咁答我：「我哋呢度冇性別歧視，至於係男定女，基於公司私隱，我哋暫時唔方便透露。」

唔使佢答，都估到會係一個「X女人」囉！

最後佢想要我做打字測試，但個面試過程並唔愉快，我當然冇做埋打字測試，見咗10分鐘，我就走咗。

嗰個大集團嘅大樓似足IFC咁經入閘機拍卡出入嗰種，我跟人哋尾經個入閘機出返去，仲感覺到大堂個Reception啲女人用奇怪嘅眼光望住我行出去……

網民A：跟人尾出閘機已經估到係邊個唔正常啦。

網民B：點解而家咁難請人就係咁解，正常人真係唔易搵。

網民C：正常上去都要登記先入閘，你就咁跟人尾出閘，人哋好奇怪咁望住你都係正常。

網民D：就咁睇呢篇投稿人有所保留嘅投稿，都睇得出係應徵者問題。

網民E：你覺得人哋問你問題似查家宅，咁就唔應該去面試，面試就預咗㗎啦！而且都唔關上司係男定女事，你咁擺明性別歧視。

網民F：好彩冇請你，否則人哋公司就慘了。

網民G：話明係大集團，面試階段邊有咁快知咩會跟咩人，人哋可能唔止請一個？同埋唔通上司係女人就唔做？你去見工為乜先？

網民H：見到有閘，唔係應該去登記做訪客先咩？

網民I：見完HR下一Round多數直接見Hiring Manager，到時問Team Structure咪有機會知囉！

網民J：點解我好似覺得唔關人哋事，似你問題多啲喎。唔Share Manager性別好似無問題，你又未過HR嗰關……

求職者在面試過程中應多加深思熟慮，儘管你在問出這種問題時可能真的只是「一時好奇」，惟不能保證「言者無心，聽者有意」，一個問題足以令HR對你的印象分大減。如果真的想更了解心儀公司的文化，可以在面試時詢問以下問題：

+19

+18

面試失敗有可能與能力無關？

+10

+9

延伸閱讀：【英文面試自我介紹攻略大公開】8大常見問題及回答技巧+18個常用英語見工字典

延伸閱讀：【見工面試】打工仔面試問1條問題即刻不被錄取！HR斥：呢種求職者冇解難能力！

延伸閱讀：【面試必睇│面試問題】拆解「點解想做呢份工」最理想答法 5個與公司相關的面試問題及回答技巧

最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人

⏩⏩  需要請人？立即刊登招聘廣告！  ⏪⏪