Next
【送餐風波】外賣員激戰大牌顧客 最後奉旨享用免費餐點？
【送餐風波】外賣員激戰大牌顧客 最後奉旨享用免費餐點？
2023-02-20
作為餐點外送員，不論在甚麼情況下，也致力為食客提供優質的服務，令顧客稱心滿意。不過，工作時總會遇到諸多要求的麻煩客人，令整個服務過程難上加難。最近有網民於連登討論區發文，指自己擔任外賣送遞員時接到一單生意，取餐到達目的地後才發現樓宇沒有升降機，需要步行上樓。而另一邊廂，態度惡劣的客人不但未有體諒，反而惡言相向，令事主大感無奈⋯⋯
即睇事主詳細經歷：
事主：有日送外賣接咗張單，初時無寫到係唐樓，去到先知棟樓無𨋢；成11樓、又收現金⋯⋯
事主：咪諗住Send Message同佢講到咗樓下，唔通行11層上去、行11層落嚟，咁樣來回咪要行22層？
事主：個客收到Message後竟然同我講叫我上去，仲連番爆出金句「客人大定係你大？分清楚莊閒！」
事主：我就睬佢都晒氣，即刻報畀公司聽，取消咗佢張單。
事主：公司最後仲同我講手上嘅餐點可以自行處理，咁就有免費餐食！
即睇網民回覆：
網民：各位尊貴嘅客人下次幫襯時記得睇清楚服務條款⋯⋯
網民：外賣喺你手，邊個莊邊個閒佢真係唔識㗎喎！
網民：仲要被人知道咗地址，樓主下次見到拖返一頭半個鐘先踢單！
網民：笑死，咁串唔驚外賣員喺入面加料咩？
網民：好多人真係以為自己畀少少錢就係老闆咁，當Serve你個外賣員係Nothing！
以Foodpanda的外送員指引為例，該公司對送餐地點沒有升降機服務的情況有以下幾點指引：
1：如果外送員所送遞的大廈沒有提供升降機服務，公司會建議外送員步行最多3層樓梯。
2：如果送餐地點位於4樓或以上，外送員可請顧客親自下樓取餐。
3：如顧客拒絕下樓，外送員可聯絡送遞支援團隊並跟隨他們提供的指示。
事件中的外送員正正是因為嚴格遵從公司指引，沒有被過多個人情緒影響決定，最終令麻煩顧客自食其果。其實餐點外送員每天的工作量十分龐大，經常要應付各種突發情況。其實顧客們只需多一點體諒、耐心等候，雙方發生衝突的情況便會減少。
即刻按圖了解更多各行各業職場辛酸。
延伸閱讀︰【職場辛酸】盤點5個送貨員辛酸 網民：以為日曬雨淋已經好辛苦⋯⋯
延伸閱讀︰【職場辛酸】香港打工仔悲歌？ 樓主：放工後嘅私人時間所剩無幾⋯⋯
延伸閱讀︰【職場辛酸】服務業的辛酸！網民力數客人講過最「無厘頭」嘅說話
延伸閱讀︰【行業辛酸】銀行前線大呻顧客無理行為 唔肯排隊、最叻恐嚇取消戶口
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!