Next
【返工意義何在？】老細問同事返工追求咩嘢 同事誠實回答下晝即被炒！網民：返工唔係搵飯食返嚟做咩？
【返工意義何在？】老細問同事返工追求咩嘢 同事誠實回答下晝即被炒！網民：返工唔係搵飯食返嚟做咩？
2025-01-06
相信「返工為搵食」是普遍打工仔的共識，每天勤奮工作都是為賺取金錢養活自己。不過，有部分老闆對此思維並未苟同，認同所有打工仔應該為工作鞠躬盡力，死而後已，使雙方分歧越發嚴重。近日，有網民於社交媒體專頁「奴工處」投稿，指老闆突然詢問同事工作追求，當同事誠實回答後卻換來解僱的結局，令事主感到十分錯愕……
事主及網民分享
事主：有日老細問個同事返工追求啲咩，個同事好誠實咁答為咗搵啖飯食。結果個同事下晝就唔見咗人，原來被老細炒咗。之後老細仲要大大聲同所有同事講，話公司唔接受返工為咗糊口嘅人……
網民A：跟住呢啲老細，被佢炒咪好囉，有得賠又可以去間好啲嘅公司做。
網民B：咁樣算唔算無理解僱？應該告得？
網民C：如果返工唔係為咗搵食嘅話，咁我不如環遊世界好過啦！
網民D：返工不為糊口為理想，老細真係好偉大！
網民E：通常呢句係炒人開場白嚟。
網民F：啲老細又唔諗吓自己開間公司係為咩嘢。
網民G：係咪應該答：「為咗愛，我愛你愛到發晒狂呀老細！」
網民H：我識一間公司真係咁，只要同事講嘅嘢唔啱聽，老細就即刻炒……
網民I：如果個同事做多過2年，勞工法例上可能可以追討無理解僱。
網民J：話返工為興趣嘅人真係好虛偽！
網民K：老細你返工係為興趣啫，我為生存㗎……
延伸閱讀：【公司炒人】解僱員工約面談都有「最佳時機」？資深HR話揀呢日最好！
對於事主的分享，眾多網民都指責老闆行為過於無理，表示所有打工仔工作都是為賺取薪金，以應付生活開支。若果打工仔無需糊口，相信眾多打工仔已經拒絕工作，到處玩樂以享受人生，甚或追逐自己的理想。
有部分網民質疑，該老闆創辦公司的目的是賺取金錢，當同事回答類似答案時，老闆卻對他們的回答有所不滿，令網民認為老闆根本是雙重標準，要求一名普通打工仔視公司為己出，盡全力為公司賺取更多利潤。因此，網民對被炒的同事感到高興，能夠獲取賠償金之餘，亦能離開「有毒職場」。
延伸閲讀：【裁員奇怪原因】美國公司CEO怒炒90%員工！原因係員工無出席公司早會？CEO：堅持裁員90%係正確選擇
按圖即看網民盤點最誇張的解僱原因：
延伸閲讀：【炒魷魚】被炒後自信心低、壓力大 被解僱後可以點放鬆？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!