Next
【辭職信】第一次做上司即收兩下屬辭職信 挽留不果 網民：唔好天真！
【辭職信】第一次做上司即收兩下屬辭職信 挽留不果 網民：唔好天真！
2024-12-06
在職場生涯中，離職是一個常見的情況。無論是員工還是管理層，面對下屬辭職都是一個挑戰。近日有網民在社交平台專頁「奴工處」上分享了作為新任上司，在短短時間內就收到兩個下屬的辭職信，令他深感壓力和擔憂。這個例子引發了網絡熱議，各路網民紛紛分享自己的看法和經驗。
即睇事主分享及網民回應：（按圖了解）
事主：「第一次做上司，冇耐收到兩個下屬辭職信，傾完都唔肯留……就年尾，搞到我疑心病好重，成日覺得會有人遞信……」
網民：「可能唔關你事嘅。」
網民：「唔好咁天真以為可以知道下屬辭職嘅真正原因。唔通佢哋唔服你、唔鍾意你，會同你講咩？一定唔會囉。唔通同你講你有啲乜嘢需要改善咩？一定唔會囉。辭職嘅人無責任畀意見你，袋錢入你袋。自己做得唔好而又自己呃自己唔去理唔去改善嘅話，就好似啲慢性疾病咁，到病發死嗰日先知自己有病。」
網民：「辭職，主要原因有三個，1.公司有無學習機會；2.公司有無升職機會；3，薪金有無符合水平。」
網民：「工作唔會做死人，通常係人事（老細）。」
網民：「差一個月都要走，明顯人問題，好少咁大仇口。」
網民：「換新血，自己請返自己揀嘅人，可能更夾更好，做得耐嘅走咗未必係壞事。」
網民：「再由自己重新招聘過，一切都聽晒自己話，咁做好做。」
網民：「好少事，過客，做得耐就慣。」
網民：「可能畀你爬頭升咗唔順氣。」
網民：「個上司有無諗過係咩原因？」
網民：「一切都係錢問題。」
網民：「年尾先嚟遞信？怨氣好重喎，有人講得啱，趁機請返親信做大自己條team啦！」
網民：「如果畀你知佢哋過檔對家做你個位，你咪仲唔開心？是但啦！」
網民：「你都一齊辭咪唔使驚囉！」
留住人才之道
辭職的原因往往錯綜複雜，單憑表面原因難以全面解釋。不過，從網民的回應可見，職場環境、發展機會、薪酬待遇等因素無疑是影響員工留任的重要考量。作為管理者，保持開放溝通、給予晉升空間、合理薪酬水平等措施，有助於挽留人才。
同時，面對離職狀況也不應過度自責，新陳代謝在所難免，充分掌握自主權重新組建團隊更為重要。總的來說，建立良好的企業文化、營造互信氛圍，是留住優秀員工的根本之道。
延伸閱讀：【返工血淚史】第一日觀塘返工有乜要注意？打工仔：打定辭職信
延伸閱讀：【求職招聘】未辭職又想搵新工 有咩tips要注意？
延伸閱讀：【離職Farewell英文用法】10大同事辭職、轉工祝福語！內附last day短訊及電郵範例
延伸閱讀：【轉工貼士】轉工前考慮4個因素 呢3個月份轉工最啱時機！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!