【離職面談】做Exit Interview向HR盡訴對高層不滿！真係會保密？網民：你中計啦！

事主講述參加離職面談的經歷

點圖了解更多

+21

+20

HR同事問到我點解走呀？有冇諗過轉其他部門呀？咁我都毫無保留地將我對呢間公司、呢個部門同某啲高層嘅行為，都一五一十講咗出嚟，係爽嘅，HR同事聽到後都表示震驚。

當我申訴咗20分鐘後，佢就以兩條問題作總結

1. 你會推薦朋友親戚做呢間公司嗎？

2. 會推薦你的部門嗎？

嗯，呢兩條問題既簡單又直接，我鐘意這間公司，唯獨係入錯部門。當我離開間房之後，突然諗起佢話咩都保密，咁其實Exit Interview係有咩用？求HR人解答！」

網民回應事主

A.你中計，之後所有嘢，全公司都會知，特別係你阿頭。

B.離職後，永遠都同公司內部人講冇事，自己係自願離開，公司未來發展同自己再無任何關係。

C.通常exit interview 嘅資料整理之後

1. 入HRIS（如有），會睇到你講咗乜嘢，但係得HR睇到。

2. 整成consolidated report，已remove individual employee names，然後先俾leadership review。

D.反而有一次Exit Interview我好欣賞個HR，佢第一句就好似個爛仔咁同我講：「走得都知咩事啦，但係循例都問一句有咩覺得唔好。」 （即係我都唔想知，你都唔使咁天真講真話，講完都唔會有咩改變） 係大公司嚟。

E.你太年輕啦。點都一定答想轉環境、想搵多啲、想放長假、幫屋企……呢啲行到爆嘅理由。話就話保密，好大機會轉頭你未出公司門口，全世界都知晒，仲可能畀人加鹽加醋 。你答大路嘢，奈你唔何都無謂敎精佢哋，而且99%公司唔會有行動「改善」，單純食花生，而你就畀人覺得係亂唱人嘅人，何必呢？

F.上面啲人答晒，永遠唔好畀人知內心嗰句，原因你話世界仔又好，或者反過嚟唔好教精人也好，商業社會嘛。我都要走，再冇嘢要貢獻畀你，萬一你真係改好咗我咪走得好傻。好自私，但講真你估大家唔知有咩事咩？你講咗人哋用你把口攻擊返一啲高層，你畀人借刀你以為冇後果，世事往往玄到你唔信。

G.只試過一間細公司quit時，做過一次Exit Interview，入去前錄定音呢啲基本啦，入到去第一句又係話會保密，心諗：「我就係想你公開喎」，打後就係一堆耍太極嘅客套說話，好來好去算，講事實出嚟對自己唔會有好處。

H.師兄，睇你對這公司是仍留戀，係不滿上司定不滿工作環境。如果你仍想同呢個上司保留一定程度關係（難保他之後轉工要招兵買馬，組一隊自己友）。

今日留一線，他朝好相見。never say never，雖話人走茶涼；但換角度睇，你出走難捱之地，何必又再插一刀落去，損人不利己。利申：我唔係HR，我只係一個浪人。

I.睇嚟大家都唔信任呢個制度，利申：我都唔信。

J.如果係大公司，有機會決定你是否eligible for rehire。

K.海外HR 認真答。其實係怕員工走嗰陣或者之後要告公司，所以就問清楚。如果係大件事例如歧視或者騷擾，咁就嗱嗱聲搵公司法律團隊預備資料同文件。如果係唔甘心或者不滿上司同事工作環境嘅問題之類，就其實冇咩可以做。你當HR係公司嘅中間人就ok㗎喇。

與HR坦白太單純？

對於事主坦承離職理由，不少網民都認為事主太單純，因為他們都認為HR即使說會保密也好，多數會將事主的原話傳達予管理層。有人就指HR會將資料載入公司的人力資源系統，供HR參閱，或者刪去事主的名字，再交給管理層檢閱。有自稱是海外的HR是怕員工離職時或之後會控告公司，所以先問清楚，當知道打工仔離職原因與歧視或騷擾有關，就可以要求公司法律團隊作準備。假如只是不甘心或對工作環境有所不滿，就未必能進行下一步改善。

Exit Interview的原意的確希望了解求職者離職的原因，但每間公司處理的方式都有所不同，有的只是做門面功夫，有的細心聆聽作跟進，有的或會將你的說話直接傳遞予相關人士。Exit Interview時講每句話時，最好三思而後行，否則未必會做到「好來好去」。

Exit Interview常見問題

+18

+17

1.為何你決定尋找新工作？ / 為何你決定辭職？
2.公司的哪些方面令你決定辭職？
3.我們在哪方面可做得更好？
4.你會考慮重回公司嗎？
5.有沒有甚麼我們能做的，可使你願意繼續在這公司工作？
6.你覺得你有足夠能力或資源來應付現時的工作嗎？
7.你與主管對話感到自在嗎？
8.你會怎樣形容我們的公司文化？
9.你有跟同事傾談過你的顧慮嗎？
10.  你覺得你是公司重要的一員嗎？
11.你現時的職責與初入職時有甚麼轉變？
12.你認為接任你崗位的未來員工須具備甚麼特質？
13.你最享受 / 最不喜歡你工作的哪部分？
14.最好 / 最壞的一個工作天會是怎樣的？
15.你覺得怎樣可以提升員工士氣？
16.你對這份工作的目標和目的清晰嗎？
17.你有得到任何有助你改善的實用建議嗎？
18.你會向朋友推薦這公司嗎？
19.你認為公司的培訓和發展可如何改善？
20.你可分享一些具體例子嗎？ / 還有甚麼問題你想再談談或補充的？

應否講真心話？

很多初出茅廬的職場新鮮人，總是禁不住在Exit Interview中說真心話，就如某人靠關係上位、上司同事的性格有問題之類，大大小小的是是非非都衝口而山，訴說着自己的不滿以及公司做得不足的地方。不過，討真想想，這麼大的一間公司，真的會因為一個小員工的意見而改變嗎？這只會成為日後被人攻擊或秋後算帳的籌碼。可能你會說：「但HR說會保密的！」你們很熟嗎？你又怎知道他與高層、甚致到老闆的關係呢？加上所有內容都被記錄再案的，而事實上，都有不少網民曾分享被秋後算帳的經驗。

要知道，如果公司真的有心聆聽員工的心聲去作出進步的改善，就不用等到員工離職才說想了解吧？說到底，Exit Interview都只是一場戲，不如快點結束就算了，畢竟大吐苦水、投訴、數臭某人或某公司，都是「擺自己上枱」的不智行為，請別讓討厭的人再有機會傷害自己。

另外，有專家建議，打工仔在進行Exit Interview前，可事先準備問題答案及要反映事項，也應與公司「好嚟好去」，避免不必要的衝突，如同行圈子窄，更應避免講上司壞話，影響自己日後發展。

只要想着，反正你都要離開地獄了，就不再受它的束縛，不用留下一句話亦可。

延伸閱讀：【離職面試】Exit Interview爆大鑊令公司大地震 打工仔︰佢不仁我不義！

延伸閱讀：【離職面談】臨走會同上司講乜？打工仔想搲爛塊面講真話！網民勸喻：啲人只會當你係笑話！

延伸閱讀：【離職面談】員工辭職必先解釋原因？HR拆解做Exit Interview嘅3個大目的

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢