Next
【跳槽爭議】人工每年只加$500 打工仔跳槽被轟無義氣
【跳槽爭議】人工每年只加$500 打工仔跳槽被轟無義氣
2023-01-06
隨著物價指數逐年上升，人工卻又望塵莫及，打工仔們都希望透過不斷跳槽轉工來爭取加薪。然而老闆對此又會有何想法？近日有網民於連登討論區發文，指自己遞信辭職時被老闆狠批「無義氣」。雖然站在公司立場上，能夠理解辭職後會影響公司日常運作，但新工作的薪酬加幅遠比現職公司更為吸引，加上被老闆批評忘恩負義，令事主大感氣憤。
即睇事主經歷：
事主：今日終於遞咗信畀老闆，點知佢第一句就話我無義氣⋯⋯
事主：其實我明老闆驚咩。平時啲豬頭骨嘢就我做開，呢啲嘢我唔做就無人做，公司嘅老海鮮又唔會幫佢、亦唔識幫佢。
事主：同埋華人掌權嘅公司好多都係用人用到盡，1個人做2-3份。所以一有人辭職就會對運作好大影響，老闆就會覺得你「無義氣」、同埋有被背叛嘅感覺。
事主：新Offer人工多過呢度$5,000；相反喺度返工每年先加我$500。照咁計，繼續留喺度要10年先加到轉工呢$5,000。
事主：老闆仲話，加多我$1,500其他同事會唔開心。
事主：我都知公司啲老海鮮覺得我唔值得加人工、唔開心就會為難我，所以我唔走要咗呢$1,500就好大鑊。
事主：既然係咁，咁我點解仲唔快啲去新地方？
即睇網民回覆：
網民：公司其他老海鮮同事唔開心關你咩事？
網民：咪由佢發爛渣囉！再嘈就同佢講會周圍唱出面人工幾多，睇下佢驚唔驚？
網民：義氣？錢就公司收，嘢就你做，賺多咗公司會唔會分啲畀你？
網民：人工加得嗰$500，通脹都追唔到啦！
網民：公司每人齊齊加$1,500咪一齊有義氣囉！
網民：試吓同佢講：「我就係唔想你難做，所以決定走。」
網民：魚唔過塘唔會肥，全世界都係咁。
網民：老海鮮唔鍾意你嘅話你加幾多佢哋都會嬲⋯⋯快啲跳槽啦！
網民：走啦！加$1,500都眼紅，仲點做落去？遲吓又話升職其他人唔開心。
網民：打工講義氣？當自己黑社會？
長期留守舊公司鬱鬱不得志？即睇邊5大跡象顯示係時候轉工。
轉工風險可大可小，打工仔有機會蒙受求職失敗、恨錯難返的全盤損失。過往跳槽轉工之事例並非未來跳槽轉工的指標，轉工請先參閱相關資訊作出風險評估，以及尋求專業可靠的意見。立即按圖了解更多轉工趣聞。
延伸閱讀：【過檔跳槽】主動邀請打工仔面試過檔 點知人工一蚊都唔加！網民：誠意呢？
延伸閱讀：【轉工後悔】28歲踏入社會5年 驚覺第一份工最好 打工仔呻：早知唔轉工⋯⋯
延伸閱讀：【轉工跳槽】Last Day後大感不捨 打工仔︰感恩遇到好同事，可惜間公司……
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!