Next
【過檔跳槽】主動邀請打工仔面試過檔 點知人工一蚊都唔加！網民：誠意呢？
【過檔跳槽】主動邀請打工仔面試過檔 點知人工一蚊都唔加！網民：誠意呢？
2023-01-05
新一年新開始，正正因為打工仔們都期望有一個真正的新開始，所以每年的年尾和年頭就是打工一族的轉職高峰期！有人搵工，有公司挖角，又是一場自信心和自我價值肯定的考驗！不過，作為求職者，最緊要清楚自己的目標和需求，這對面試和討論薪酬上都很有幫助。
延伸閱讀：【升職加薪】打工仔每年加幾多錢人工？網民：加得$500等於侮辱！
讀者Jess（化名）投稿，指自己從事媒體行業，負責編寫網上內容的工作，她分享指自己最近收到另一間媒體公司HR的電話，似乎想挖角，因為公司有一空缺，而見Jess半年前曾申請過其公司的職位，所以主動邀請她去面試。不過，在人工方面，卻令Jess有點驚訝……
Jess：「其實我都申請過呢間公司嘅職位兩次，對上一次係半年前，其實佢哋都有畀到offer我，不過真係咁啱，兩次都係時機嘅問題，一次係有另一份工搵我，對上一次就係舊公司留我，而講緊嘅時間真係可能差一日，所以冇辦法，上一次我都係冇要到佢哋嘅offer。」
即睇事主分享及網民回應：（按圖了解）
事主：「估唔到事隔半年，我已經升職加薪，就突然收到呢間公司HR嘅電話，佢話有一個管理層嘅職位空缺，問我有冇興趣，因為記得我嘅CV，所以想邀請我試吓。而我首先多謝佢搵我啦，咁突然有一個機會，都想了解一下嘅，不過我都表明我首要考慮係人工，佢就問我而家人工喺幾多，然後佢冇問我expected喺幾多，就話mark咗我多一千先，又冇問我拎新嘅CV，咁我當刻都真係未諗到我expected係幾多，因為太突然，我嗰刻又未有即時轉工嘅打算，所以就由佢先。
然後，約見面試啦，面試嘅氣氛都還好，面試官都講好多工作內容畀我知，主要都係管理一條5至6人嘅team，做一啲管理同策劃嘅工作。我事後都有補send返最新嘅CV畀HR，更新返我嘅expected salary想比我現時人工加4至5，其實都好合理，點知佢打返畀我，話點解會咁，又話其實我哋只可以畀到同你現時人工一樣嘅價錢畀你，不過如果工作上追數可達標就有額外獎金。
我就唯有表明工作內容係有興趣，但始終獎金還獎金，底薪唔變的話，我真係唔考慮了唔好意思。大家轉工都係想加人工啫，冇得加人工，我真係想問吓佢，如果係佢會唔會轉呢？一蚊都唔加，我係覺得有啲搞笑啫……」
網民：「講真，事主補新CV補得太遲，都蝕咗個面試時間啦，如果一早知自己expected salary咪唔使浪費大家時間。不過對方出手咁低又真嘅，佢知你而家幾錢，連mark咗嗰一千都唔加，所以算啦，當冇事發生過。」
網民：「嘩，一蚊都加，佢哋都幾冇誠意！」
網民：「吓？做sales呀？做內容都仲要追數先有額外錢，一陣你調高個target咁咪永遠追唔到？話呢個獎金都幾虛喎！」
網民：「可能佢係搏有啲人好憎自己而家間公司，嗰啲人就會一樣價錢都照走。」
網民：「唔緊要啦，起碼你都知道而家巿價同埋佢哋公司嘅做法，唔係可惜嘅。」
網民：「笑死我，即係你前前後後拒絕咗呢間公司三次！」
網民：「轉工唔加人工，真係轉得做乜呢？呢個HR都幾搞笑。就算之後補返CV畀你話想加幾千又點？你mark咗嗰一千咪又係冇加。」
網民：「算啦，最緊要你知道自己嘅需求同埋覺得自己值得。」
網民：「請人做管理層都出手咁低，咁祝佢早日搵到廉價勞工啦。」
了解自己的底線
有哪個打工仔不想加人工呢？不過公司的角度，當然是想以最低價請到一個適合的人啦，而作為求職者，一定要清晰知道自己的底線，可以去求職網站的薪酬調查搜尋相關行業和職位的人工，然後得出一個自己滿意的標準後，再與公司周旋討論，別被公司的一些語言藝術而自感身價不值，要相信自己的能力和價值，衡量過各種因素才作出決定，有堅持是一件好事，希望大家在新一年都可以找到一份人工理想又舒服的工作！
延伸閱讀：【升職加薪】打工仔每年加幾多錢人工？網民：加得$500等於侮辱！
延伸閱讀：【Netflix】《艾蜜莉在巴黎》第三季 女主Emily愛搶功勞 確立職場小人身份！
延伸閱讀：【兩代矛盾】老上司畀機會後生仔上位 感對方不懂珍惜 嘆：竟然話加人工先有得傾！
延伸閱讀：【首席快樂官】企業關注職場快樂感 創造愉快健康工作空間 激勵正能量
延伸閱讀：【職場文化】分分秒秒要向公司報告行蹤 打工仔嘆OT到凌晨都要報到…
最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!