【讀者投稿】醫管局指染疫員工隔離7日後可上班　醫護男友質疑：女友返工會否違反14日隔離令？

新冠肺炎疫情持續，本港於上月起迎接第五波疫情，感染人數持續增長，每日確診數字持續以四位數字上升。醫療系統呈崩潰之態，醫護人員面對前所未有的沉重壓力，醫管局多名員工染疫，令人手雪上加霜。

最近，本網收到一名讀者投稿，指其女友於醫院擔任前線醫護工作，因健康考慮而已多個星期沒有見面，而其女友最終於一星期多前確診。該讀者於2月23日從女友短訊收到醫管局《防疫快訊》第229期的首頁截圖，圖中指示醫管局染疫員工若在7日後快速檢測呈陰性，隨即需要返回工作崗位，該名男友狠批：「醫護性命唔係命？你叫醫護跟7日隔離定係政府要求嘅14日隔離？」

延伸閱讀：【醫護熱話】疫情嚴峻 醫護人員日做十幾個鐘 嘆：如果想SL係咪好過份⋯

即睇投稿人分享：（按圖了解）

投稿人：疫情非常嚴重，我同做醫護嘅女朋友商討過後決定要避開一排唔見。
投稿人：佢住新界，我住港島，除咗避免交叉感染之餘，都唔想如果中招的話，散播病菌到唔同區。
投稿人：我女朋友上星期不幸染疫，要喺屋企隔離，其實已經係意料之內，只不過真係好擔心，希望佢唔好咁辛苦。
投稿人：最不幸中之大幸係，因為我同佢連情人節都無見，所以無成為密切接觸者，但我當然想喺身邊陪佢，唯有日日電話FaceTime傾偈。
投稿人：經過咗大概一個星期，佢自己喺屋企做快速測試，終於驗出呈陰性嘅結果，我都放下心頭大石，等算女朋友隔離完同佢食返餐好。
投稿人：噚日（2月23日）我喺Signal收到女朋友短訊，係醫管局內部嘅《防疫快訊》。
投稿人：上面寫住確診員工若第7日透過快速抗原測試獲得陰性結果後即要返回工作崗位。
投稿人：我第一個反應係：「大佬，有無搞錯呀！食衞局陳局長唔係話要隔離14日咩？醫護隔離7日就可以返工會唔會畀人當犯規？」
投稿人：究竟食衛局同醫管局係咪無溝通過？究竟跟邊個？我女朋友返工會唔會被罰？
投稿人：咁我女朋友阿媽自我快速檢測未試過呈陰性係咪又可以出街？
投稿人：醫護條命唔係命？指引可唔可以清晰啲？

醫管局：第7日陰性可上班　翌日政府急解話：衛生署特別安排

醫管局於2月23日在內部公布最新指引，指旗下染疫員工若於第7日檢測呈陰性後即可上班，但根據政府的新聞公報，所有染疫者（不論於社區隔離措施或家中檢疫）皆須在隔離位置逗留至第14日並有呈陰性結果才可外出。

同日，食物及衞生局局長陳肇始教授以書面答覆回應立法會議員提問，提及「居安抗疫」人士的檢疫規定。陳局長指，「居安抗疫」計劃下的密切接觸者須進行為期14天的家居檢疫安排，但未有提及醫護人員家人能否與醫管局安排看齊。陳局長於書面答覆另提及，任何接受「居安抗疫」計劃檢疫安排的相關人士如擅自離開處所或未有遵從檢測規定，即屬犯罪，最高分別可處罰款10,000及25,000元，並監禁六個月。

醫管局更改員工染疫後的隔離指引惹起公眾嘩然，醫管局總行政經理劉家獻於昨日（2月24日）在政府疫情記者會表示，旗下98%的員工已完成接種疫苗，相信染疫後7日呈陰性已經是安全的，並希望同事諒解相關安排。

衛生防護中心傳染病處主任張竹君於同一會議指出，醫管局相關安排獲得衛生署批准，意即醫護人員第7日檢測呈陰性後上班並不會違反原有的14天隔離令。張補充，其他正在隔離的市民仍須遵守14天隔離的安排。

不少「手停口停」的市民質疑隔離天數標準是如何釐訂，而網上亦充斥對政府抗疫安排混亂的批評。

 

延伸閱讀：【職場熱話】員工所住大廈要強檢 向上司申報 上司：最緊要個人冇事！
延伸閱讀：【第五波疫情】公司有人確診但堅持唔畀WFH 大肚同事：點解咁老闆刻薄
延伸閱讀：【職場熱話】全公司都確診 點樣運作好？ 「喺隔離營開分公司」

⏩⏩  需要請人？立即刊登招聘廣告！  ⏪⏪