【讀者投稿】打工仔接種疫苗後發燒 第一日返工就射波 擔心印象分大減？

政府近幾個月鼓勵市民大眾接種疫苗，以減低社區傳播的風險，不過有部分人注射後出現輕微副作用，感到不適。日前讀者Lillian（化名）向我們投稿，表示打算返新工前接種疫苗，並已預留一天休息。怎料接種後持續發燒，第一天返工即向HR「射波」，雖獲對方接納，但她擔心上司及同事會對她留下壞印象。

延伸閱讀：【接種疫苗】旅發局推「賞你遊大抽獎」 共2萬人可參與免費旅行團

按圖了解Lillian接種疫苗的經歷： -兩個月前舊公司因為經營出現問題，所以解散我哋成Team人。
-本來我都擔心個市咁差會搵唔到工，好彩有公司肯請我，放下心頭大石。
-我諗住趁返新工前有時間，預約接種兩劑疫苗，保障自己同屋企人健康。
-打完第一劑基本上零感覺，我當日仲龍精虎猛出街玩，可能因為自己仲後生><
-聽人講第二劑副作用會勁啲，所以我都預咗一日休息，隔日就正式返工。
-平時touch wood我都好少病，加上有定期運動習慣，所以唔太擔心。
-點知打完第二劑之後，我就開始發燒，食藥過咗一晚都未退燒。
-好景不常，我到咗另一日仲燒緊，迫於無奈打畀HR同佢講我返唔到工。
-HR都體諒我嘅情況，將我入職日期延遲一星期，叫我好好休息。
-身邊朋友笑我第一日返工就射波，鬧我好心預多幾日休息，而家咁做新公司對我印象一定差咗。
-屋企人都話我時間管理得唔好，搞到我好擔心下星期返工唔知點好……
既然新公司HR同意推遲入職日期，Lillian毋須過分擔心會破壞第一印象，畢竟身體狀況不由人所控制，此刻最重要多休息，養足精神迎接新工作。如果想盡快融入新環境，以下有5個貼士有助打工仔順暢地跟新同事打開話閘子。

點擊即看5大溝通方法： 大家在接種疫苗前最好進行身體檢查，由醫生根據檢查結果去評估接種疫苗的風險及提供準確的專業意見，釋除接種疑慮。

兩款疫苗有什麼副作用？（按圖了解）
延伸閱讀：【新冠疫苗】強制員工打疫苗是否違法？不打針被解僱又會點？平機會話…

延伸閱讀：【銀行熱話】香港銀行公會疫苗大抽獎接受申請 豪送650萬免找數簽賬額



【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪