【職場熱話】MIRROR係男顏禍水?買唔到教主雜誌拍枱喊 網民:辦公室風雲咁⋯

【職場熱話】MIRROR係男顏禍水?買唔到教主雜誌拍枱喊 網民:辦公室風雲咁⋯

MIRROR風靡全港,其中Anson Lo教主的人氣超勁,早前其粉絲神徒們為慶祝其生日,花盡千花又買廣告板、又賣郵輪廣告。最近,Anson Lo更登上雜誌封面,各神徒當然想作收藏之用!只不過,沒想到一本雜誌,就能令打工仔們發癲,更在辦公室上演辦公室風雲戲碼!

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

有網民在社交平台專頁「奴工處」上以「MIRROR男顏禍水,搞到我公司啲人癲晒!」為題投稿,分享同事與HR被教主沖昏頭腦的事件……「我支持Mirror但有時佢哋都幾男顏禍水!上月尾教主降臨某雜誌封面,但完全買唔到。第二日,我公司兩個設計師阿A同阿B炒大鑊,原因係神徒阿A喺IG story度講:『買唔到雜誌咪算,點解要為一本雜誌呼天搶地?教主唔會出現係另一本雜誌?點解要做個咁cheep嘅神徒?人哋會以為神徒係癲雞!』

沒想到發表心情的一句話,卻掀起了大風波……

即睇事主分享及其他網民回應:﹙按圖了解﹚

-睇返閉路電視,原來都係神徒嘅阿B之前嗰日放飯時間喺位度喊、尖叫同拍枱。

-因為佢搵咗8粒鐘都搵唔到本雜誌,所以對阿A出story嘅行為不滿。

-而總經理覺得出story咁講嘢冇同情同理心,影響到士氣,所以出封警告信畀阿A。

-依家阿A唔簽,總經理話一個星期內唔簽就畀一個月通知炒佢!

-講真,阿A說話係難聽但又係事實,如果放飯時間想食安樂茶飯,但係隔離嗰位忽然鬼上身式尖叫拍枱爆喊足45分鐘,反感都正常。

-而總經理又係太過婦人之仁,雖然阿A的確令到好多神徒不滿,日後留低都會畀人單打針對。

-但係身為總經理因為非公司內部過失而出信係講唔通,而阿A冇遲到早退同SL,零客戶投訴,要佢硬食我又覺得唔抵。

-過多兩日,我同另外兩個支持阿A嘅同事發現,原來總經理嗰日都行咗8粒鐘搵唔到,成單嘢係公報私仇……

-雖然社會係有權就大晒,但就加快咗我哋離職決心,所以放工前,三封辭職信放咗喺總經理枱面,而阿A最後都唔簽封警告信……

-為咗一本雜誌可以尖叫拍枱喊足45分鐘,仲可以令到都搵唔至本雜誌嘅經理,公私不分地出警告信畀另一個喺IG出story話尖叫拍枱嗰個人滋擾嘅下屬,搞到成套辦公室風雲咁……有冇咁誇張?!

-自己ig講都唔得,咁都出信係咪告得?如果件事真,咁呢兩條友顯得部份神徒低智到影響公司運作。

-出story係私事都可以被警告,真係吹脹。

-成件事根本就錯重點!首先如果個 ig account 如果係 A 私人嘅,公司根本無權去管!祗要唔犯法,你理得我 post 咩!掉返轉如果個 account 係 B 私人嘅,公司都無權去理,呢啲叫「私人恩怨」!只要 A 識玩,可以去勞工處投訴返經理轉頭!

-成件事就唔關Mirror同追星事,人哋ig打乜其實又真係唔使交代嘅,士氣低落又賴落人哋度,成個小學生咁。出一封咁嘅無厘頭警告信,導致三封辭職信嘅出現,其實就係公司有問題,公司以私事嚟評價一位員工需要issue warning letter,HR 接受到咁樣嚟落record,公司評價只會愈嚟愈差。

 

請別亂add公司同事
雖然總經理公報私仇,為了一個ig story而出警告信,實在非常無稽,不過再退後一步想想,大家會否add公司同事的社交平台帳號?就事面推測,A和B先前都不算是太好朋友,A才會如此表達不滿,但沒有建立深厚的關係,又會add了對方的ig account?

其實同事間交換太多個人資訊,可能會為工作帶來不便,畢竟大家都只是辦公室工作的同事關係,私人生活無需要知得太多。

雖然有網民指如此的原因可以告上勞工處,不過公司總會寫上其他理由,各執一詞難以爭論,所以,還是別亂add同事好了!

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow