【職場熱話】上司唔畀員工OT補假 自己做活動超時就一定拎time off！

打工仔最討厭的就是加班，可是「OT冇水補」的現象似乎成了大勢，令很多打工仔都非常無奈……可是有些上司不容許下屬OT補假，自己超時工作則立即補假，此做法真的令人氣憤！

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

讀者Karris﹙化名﹚投稿分享，她曾經在已倒閉的傳媒公司工作，現在則轉了往另一間媒體公司工作，對比之下，以前的公司和上司為了訪問題材的可觀性，對員工都好好，反之現在的公司則沒太看重題目的重要性，重量不重質。「以前有時訪問要喺星期六做，因為被訪者星期六先得閒，又試過半夜先去訪果欄、清晨去馬場訪問，所有呢啲非正式上班時間要開工，我哋個編輯都會畀我哋補假，一補就可以補一日。」

她指現在的公司，聽聞夠4個小時的工作，才可以補半日假，有時真的很無奈。
 
即睇事主分享：﹙按圖了解﹚
-而家呢間公司，我有次為咗要訪問一啲特別題材，要星期六先可以去訪，於是就問阿姐會唔會有得補假。
-佢話要夠4個鐘先可以補半日，如果平時啲訪問都多數唔過兩個鐘，所以冇得補！
-我真係眼都凸埋，咩叫冇得補？我又唔係去玩嚟呃假，真係出咗去做嘢，幾多個鐘都應該補吧？
-但佢話冇就係冇，仲話：「咁你咪唔好星期六訪問囉！」
-我打去畀HR問，佢話其實冇話唔補得，只係你阿姐唔肯簽就冇得補……
-所以之後啲訪問，我咪唔約喺星期六訪，有啲被訪者要星期六先得閒的話，我就寧願唔訪了。
-不過！呢個阿姐真係講一套又做一套！有次有業界活動邀請佢去，明明係啲無無聊聊飯聚，唔係啲重要活動。
-佢自己主動要出席，然後超時咗兩個鐘，佢返到嚟公司即刻好開心同我哋講，下星期幾會補假……
-我話，唔係話夠4個鐘先可以補咩？佢就話公司活動點同呢？之後之開開心心唔理我！
-到上兩個月，佢終於轉工走咗，有新阿姐嚟，佢有個訪問想我星期日去做，我就講明話如果冇得補假，我係唔會去的。
-可能大家會覺得我好串，不過點解要硬食呢？點知阿姐仲驚訝過我，話：「點會冇得補？大家都係出去做嘢啫！」
-然後佢話佢一定會簽，叫我唔使驚，最緊要題目要有質素，我真係差啲當場感動到喊咗出嚟！
補假要問清楚
事主的前阿姐真係非常厚顏無恥，說一套做一套，明明補假又要會令她蝕錢，自己超時工作就立即高調補假，此舉很難不惹起民憤！
不過，其實除了找HR外，事主還可以問問比編輯高一的上司，試探一下口風和做法，再怕使事主的前上司就範。

說真的，當傳媒變成了重量不重質時，還會有該有心去做訪問，讓大家更加清楚地看到世界在發生的事呢？

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀：【另類職人】劍擊十年 由運動員到社工 轉職感言：兩者最着重同是「溝通」
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀：【職場戀愛】男上司同男下屬打機 情到濃時鍚咗啖 網民：快啲表白！
延伸閱讀：【職場戀愛】男上司追男下屬 結局竟然反轉？ 網民：sweet過睇BL！

⏩⏩  需要請人？立即刊登招聘廣告！  ⏪⏪