Next
【見工面試】Interview被面試官要求寫100個「一」字！網友拆解背後原因 公司想了解求職者呢樣嘢？
【見工面試】Interview被面試官要求寫100個「一」字！網友拆解背後原因 公司想了解求職者呢樣嘢？
2023-05-18
各行業、規模及業務範疇的企業，都會有自己一套的選才標準，因此他們在招聘廣告提出的要求，甚至是面試的問題或請求職者做的事都有所不同，更可能令人摸不著頭腦。有內地求職者向微博博主「網路發言大賞」投稿，分享自己的面試經歷，指自己曾經被面試官要求自己寫出100個「一」字，對此網民都紛紛說出自己的看法，有人認為這是公司給予事主的試煉。
點圖了解更多：
事主：「話說，面試嗰陣HR叫我寫100個『一』。無錯，叫我寫100個『一』，當時我真係滿頭問號！嗰時我推測，叫我咁做有3個可能性：一，照字面意思，想我唔偷懶、踏踏實實，同有耐性咁做好呢件簡單嘅事，睇我係唔係願意聽從上頭嘅指令，或者識唔識變通。
二，想我招字面咁寫『100個一』睇吓我可唔可以將看似複雜嘅問題簡單化，或者有啲投機取巧嘅意思。
三，想睇我係咪思維敏捷，善於思考，反應快唔快，有無自己嘅主見，但呢啲時候，太有想法都係適得其反。應該要睇上司或領導層嘅標準，有人會接受員工有個性化咁發展，有人會要求員工必須按照規矩辦事。
最後我喺張紙度分咗4區，每區分做5排，每排都寫5個『一』字，一區25個，共100個『一』字。」
網民回應：
A/我第一下反應，就覺得係服從性測試
B/唔通呢個就係傳說中嘅服從性測試
C/我見過係從1寫到300，我仲要寫完
D/你唔可以就咁寫「100個『一』」咩
E/100個「一」，我寫完啦
F/我會要求佢畀支鉛筆、一把間尺同一嚿擦膠畀我，然後我要畫十幾條線，再用間尺量住，將佢哋擦成一段一段
G/如果返工好似寫個「一」字咁簡單，唔好話100個，我1000個都寫
H/我又覺得呢個方法幾好喎，啱唔啱數一目了然，仲可以睇你快唔快完成任務
I/我見工遇過有公司，都係叫我由1寫到500，我寫都未寫完就轉頭走咗去
J/係咪要測試你耐性，要你做啲無難度嘅小事
K/如果係考試的話，可能係服務行業或者係行政崗位，考驗你嘅耐心同執行力，至於係咪服從性測試，可能要再睇吓其他考試內容。其實見工係雙向嘅，如果你忍唔到呢種測試，又覺得自己有能力，可以選擇其他機會。做好自己，其他嘢交畀相關嘅人做判斷。
甚麼是「服從性測試」？
看畢事主的投稿，網民都發表自己的看法，大部分人都認為這是一個「服從性測試」。據知，中國職場上「服從性測試」，意指管理層通過某件事，去測試員工的服從性，服從的員工能夠得到管理層的提拔；而不服從的員工，最後可能直接出局。網民都推測HR利用這項測試去試探事主，從而了解他對公司的服從程度。
有網民自言，曾經被應徵的公司要求，從數字「1」順序寫到「300」，為了得到工作他只有照做。對於寫100個「一」的測試，有網民笑言，若然工作如寫「一」字般輕鬆，不要說是100個，寫1000個「一」字也願意。
另外，有網民提醒事主，應徵工作及參加面試，是事主及公司雙向達成的共識，若然事主覺得自己有能力，而這公司的測試不合理，可以尋找其他的機會。事實上，從應徵及面試的過程中，求職者都可以了解到公司的文化，假如從開始就認為自己不適合公司，就建議別浪費雙方的時間，嘗試覓尋其他機會。
企業會如何透過面試，了解求職者的真實性格或理想職業？（點圖了解更多）
即睇4個克服Interview緊張情緒的貼士：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!