【見工面試】HR見工多次被震驚!應徵者：阿媽幫我申請

近年躺平文化興起，不少人對工作失去積極性。即使他們不願意上班，父母都會為他們尋找就業機會。早前有任職HR的網民在香港討論區發文，表示最近有應屆畢業生（Fresh graduate）到公司面試，應徵者在面試中無論衣着、對答都令事主受到衝擊。

延伸閱讀︰【見工面試】求職者講唔停 自我介紹都講咗十分鐘！應該點拿揑先啱？

按圖了解事主、網民分享：

+12

+11

事主：嚟面試咩都唔準備係咩玩法……最近公司請緊基本嘅admin位，自問都in過唔少人，真係第一次見咁奇怪嘅人。事緣今日嚟咗個Fresh graduate面試，我都唔係好在意衣着嘅人，但係着T-shirt、牛仔褲上嚟面試係咩玩法？

咁都算啦，叫佢自我介紹啦，佢直接覆我一句CV咪有寫，我真係差啲反晒白眼。然後，我都好聲好氣問佢，點解你想申請呢份工？經典嘅嚟啦！佢話其實都係阿媽幫我申請嘅，我都係諗住上嚟睇吓環境。嘩，我真係差啲粗口都講埋，in咗5分鐘左右，我就請咗佢出去，真係依家咩人都有……

網民A：擺明畀阿媽迫嚟面試，上嚟面試當係應酬阿媽。

網民B：CV有冇佢屋企電話，打去同伯母傾吓！

網民C：咁佢都好坦白，話唔定請得過。

網民D：阿媽迫佢嚟，唔係自己想嚟，唔嚟阿媽停科水，沒辦法唔嚟，所以質素係咁上下。

網民E：你都算仁慈，見咗5分鐘。如果係我，開始就叫佢走！

網民F：會唔會係你老闆個仔嚟？

網民G： 你應該直接同佢講，既然CV都已經寫晒，我哋都無乜問題啦，你返去等消息啦。

網民H：你公司出幾錢人工先，如果人工高、福利好，就係你in佢。如果人工低，福利、前途都唔好，就係佢in你。

網民I：人哋都講上嚟睇吓環境，你就畀佢望兩眼算啦。

網民J：其實係你老細搵個仔試你，好似神秘顧客咁，證明你in人唔掂。                

事主今次面試用了5分鐘，問了一些常見問題，惟對方不願花時間回答，一定程度上都反映對方沒有太大興趣。其實工作機會都是應徵者自己爭取，如果對方沒有就職意願，那就不應浪費雙方時間。

雖然履歷表有列出應徵者的經歷，但HR要求自我介紹、求職動機，其實都想了解應徵者的對答能力。再者履歷表可以找人代工，甚至人工智能（AI）都已經可以生成，所以面試很看重個人表述能力。                                         

延伸閱讀︰【見工面試】唔覺意搞砸面試？8大破壞Interview嘅行為！向公司問問題都係？

【見工面試】你點解會唔做之前嗰份工？面試應該點答先唔會變成訴苦大會？

+4

+3

延伸閱讀︰【見工面試】interview畀面試官問到口啞啞可以點算好？

【見工面試】未辭職應徵公司HR就打電話做Reference check！求職者困惑：我應該點做⋯⋯

+22

+21

⏩⏩  需要請人？立即刊登招聘廣告！  ⏪⏪