【見工面試】HR無聯絡突然「放飛機」 應徵者做1件事再獲面試機會

見工需要面試官和應徵者配合雙方時間，無論哪一方缺席都應該禮貌地通知對方。有應徵者在香港討論區發文，表示自己約了面試，然而到達後才得悉HR臨時有事不在公司，而且沒有聯絡事主。這份是事主心儀工作，因此他很珍惜這次機會，並做1件事再獲HR安排面試。

延伸閱讀︰【見工面試】Interview太早到被指有問題？網民：咩怪人都有

按圖了解事主、網民分享：

+9

+8

事主：「話說我面試當日約咗下午2點interview。點知去到Reception，我話約咗見工時佢都呆咗，佢話HR今日突然有事唔喺公司，無打電話通知你咩？我靜咗幾秒……我話無收到，之後Reception都係咁say sorry，變咗白行一趟。

佢叫我等HR電話再約interview時間，攪到我心掛掛，佢究竟係咪搵藉口唔見我，會唔會真係打返畀我？因為間公司都大規模，幾有興趣，我好想Email覆佢，表示我唔介意再約時間過嚟，但又怕HR覺得我好心急。

最後都Send咗Email講返呢個情況，內容提到我好有興趣想見呢份工，表示唔介意再過嚟。最後都收到佢回覆，約第二日再上去interview。」

網民A：梗係用Email提佢，一來表示你重視份工；二來，等佢有內疚感。

網民B：都試過一次，HR病咗，但有其他人見我。最後有請，不過我搵到更好。其實正常都會搵其他人見咗先，唔好畀個壞印象。

網民C：我未遇到咁情況，當然我唔去見工嘅話，都會打返電話同對方講聲。

網民D：真係大規模嘅公司冇理由只得一位HR，就算佢真係病假，點都叫第二個人見咗你先。

網民E：咁冇責任感嘅公司都唔使做啦。

網民F：藉口嚟，咁大間公司可以搵其他人interview。

網民G：HR呢啲部門做嘢非常細心，居然都會出現咁低級錯誤，小心如果請咗你，第一日返工問你係邊個？

網民H：好心啲HR尊重吓人啦，係咪真係咁多嘢做，自己啲行程安排都搞唔掂。

見工守時是基本禮儀，畢竟雙方都需要抽出自己時間面試，如果缺席或遲到應該預先通知對方。見工會給對方留下第一印象，被「放飛機」難免會令對方產生負面感覺，甚至跌入黑名單中。

求職者遇上對方臨時缺席又沒有聯絡的情況，可以像事主一樣，撰寫電郵嘗試再約面試，一方面可以了解狀況，另一方面表示自己重視這次面試，以及對公司或崗位的興趣，爭取下一個面試機會。

延伸閱讀︰【見工面試】好多求職者Online interview放飛機 HR嬲爆：以後永不錄用！

【見工面試】HR斥求職者失約無責任感 網民：公司唔請人都無通知！

+13

+12

延伸閱讀︰【見工面試】辛苦完成筆試　HR竟只望兩眼就算　網民：入去做都係中伏

【見工面試】公司邀電話面試但約定時間無電話到　求職者：準備好但一場空

+12

+11

最新專訪片︰

【CEOTalks】無懼挑戰 積極與員工建立平等溝通橋樑 喆麗控股創辦人Joshua：創業如同一場馬拉松比賽 堅毅不屈的才能克服困難

⏩⏩  需要請人？立即刊登招聘廣告！  ⏪⏪