【見工面試】好多求職者Online interview放飛機 HR嬲爆：以後永不錄用！

疫情之下，許多企業都改用Online interview代替傳統面試，以減低病毒傳染的風險。本以為在疫境下，求職者對工作有更大的渴求，但有人力資源從業員（HR）在網上討論區發文，投訴近來有很多應徵者「放飛機」，連一個電話通知也沒有，令她十分憤怒，揚言「永不錄用」他們。

延伸閱讀：【職場熱話】面試唔識用excel HR語重心長勸勉 「連sum係咩都唔知」

哪些求職者最常No Show？（按圖了解）

+12

+11

事主：「我係某公司做HR，近排真係好嬲！疫情之下我哋都係安排online interview，諗住都叫保障返大家安全。但係由3月開始，每個星期最少有1個人唔參加online interview而無出聲！打電話畀佢又唔聽！no offence，全部都係90/00後！仲有啲人係見senior post，都係一樣no show！係咪諗住唔會見到真人，所以可以咁無交帶？你唔想打電話都可以send email講聲你唔嚟，你哋咁無責任心，好難想像如果請咗你哋會發生咩事。呢啲人就算之後再apply我哋公司，都一定唔會錄用！」

網民意見：

網民A：佢哋咁無交帶，其實請唔到唔係壞事，向好方面諗唔好咁嬲。

網民B：騎牛搵馬好基本啦，如果有份更好嘅工，梗係唔in你啦，理你得去死。

網民C：見工放飛機都唔算慘，試過好幾次求職者簽約嗰日先no show，浪費我啲時間！

網民D：我仲以為疫情期間好多人等工開，咩工都會見添，定係你間公司嗰名臭晒啊？

網民E：如果你做得耐HR，應該周不時遇到no show情況啦，睇嚟你仲你入世入深～

網民F：完全明白，HR都要追數，求職者唔嚟又要同返阿頭解釋，難為了大家。

網民G：會唔會係好多人中咗招，被迫隔離所以唔得閒interview啊？

作為一個有責任心的求職者，萬一決定不赴約面試，理應提早以電話或電郵告知負責人，以便對方作出安排。就上述事件來看，應徵者已在HR心中留下壞印象，影響個人聲譽，得不償失。

由於疫情緣故，許多公司都改用Online interview取代傳統面試。千萬不要以為遙距面試更輕鬆，事實上仍有很多要注意的地方，尤其要避免以下的面試陷阱。

按圖了解更多：

+13

+12

延伸閱讀：【第五波疫情】打工仔為保飯碗 隱瞞曾做心臟手術打疫苗 同事：見到佢好心悒

延伸閱讀：【求職技巧】告別沉悶西裝 10大面試穿搭法則 闊腳褲同樣大方得體

延伸閱讀：【求職攻略】HR必問50條常見面試問題！

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪