【第五波疫情】打工仔為保飯碗隱瞞曾做心臟手術打疫苗同事：見到佢好心悒

2022-03-17

政府近日倡議修訂僱傭條例，如僱員經僱主要求後，在未有提供充分醫學理由下拒絕接種疫苗，如因而被解僱，並非不合理解僱。在疫情加劇及擔心被解僱的情況下，不少打工仔無奈地接種疫苗。最近有網民分享同事的悲慘經歷，指她為了保住飯碗而隱瞞病歷，前去接種疫苗⋯⋯

延伸閱讀：【Omicron懶人包】打工仔必睇：職場抗疫手冊

按圖了解事件來龍去脈：

+12

+11

事主：「公司要同事要至少打一針先可以返工，我好擔心一個40歲嘅女同事。佢身型好細粒，周身病痛，心臟曾經做過手術。但佢係屋企經濟支柱，唔打針就無工開，所以book咗去打針。到場嗰陣護士問佢有無長期病、有無日日食藥，佢講大話話無。又講自己血壓正常，但其實佢有高血壓，長期係140以上。眼見咁多人打完針都有後遺症，仲有機會心肌炎，聽完都覺得好恐怖。見到呢個同事，我都好心悒，希望佢無事啦。」

網民意見：
網民A：我同事都係有高血壓家族遺傳病，一樣都打齊三針都無事。

網民B：問題唔係打唔打針，而係佢有無處理好自己身體。

網民C：識得有同事因為咁而辭職，佢地話寧願轉工轉行，都唔想搵條命搏，怕有錢無命使。

網民D：穩陣起見做完body check再打，不過現實係無乜醫生肯寫紙證明唔適合打針，我朋友中風後3個月醫生都唔肯寫，唉⋯⋯

網民E：其實就算無疫症無疫苗，香港每年都有4至5萬人因為各種原因而死亡，唔驚得咁多。

網民F：140都唔算好高啫，只算「擇界」而已。

網民G：放鬆啲，我自己都係血壓高、膽固醇同糖尿踩界，為咗工作而打兩針，結果都無事。

網民H：完全明白，仲要而家修例，唔打針被人炒係合理解僱，某程度上係迫緊人打針。

勞工及福利局局長羅致光在3月16日在立法會會議上動議二讀《2022年僱傭（修訂）條例草案》，包括清楚訂明僱員經僱主要求後，在未有提供充分醫學理由下拒絕接種疫苗，如因而被解僱，並非不合理解僱。他補充，僱主應鼓勵僱員接種新冠疫苗，以保障僱員自己、其他僱員及社會大眾的健康。此條款設有日落條款，當新冠疫情受控及疫苗接種不再構成公共健康重大考慮時，將予以廢除。

事實上，在第五波疫情下，各行各業的打工仔均面臨困境。港九勞工社團聯會於上月展開問卷調查，發現有81%有意求職人士難以找到工作，45.2%受訪者表示自疫情以來收入停滯，反映近半數人被凍薪。

按圖即睇調查重點：