【勞工法例】染疫打工仔隔離後即收大信封　勞福局：因隔離解僱或屬不合理

新冠肺炎疫情影響市民各方面的生活，早已成為香港每個人討論的話題，而抗疫多時的香港人，早已感到疲倦及無力，更有不少打工仔因而失業。第五波疫情失控，確診數字持續高企，不少人擔心染疫，並害怕確診後會影響工作。最近，有名從事銷售業的打工仔到「香港討論區」投稿，指自己在隔離後隨即收到「大信封」，慨嘆公司欠缺人情味。

延伸閱讀：【新冠肺炎】打工仔檢測呈陽性　公司應如何處理打工仔確診個案？

即睇事主分享及網民回應：（按圖了解）

+13

+12

事主：本人做銷售行業，確診後休息兩星期，病假期間無生意做，復工後收到大信封。
事主：我覺得好無人情味，不過好在有補水、有補年假。
事主：等疫情好返再去搵工，現在休息一下。

網民：告去勞工處，搵東張西望，等大家知佢衰到無人有！
網民：勞工處真係會受理？
網民：唔好玩啦，人哋跟足勞工法例，好難話告㗎！又唔係發病期間炒，又補足薪水……
網民：疫情期間公司都可能都少了很多生意，真係要睇開些……
網民：休養生息，積蓄能量，等疫情過後再搏過！
網民：補足水，東家唔打打西家。明天會更好。
網民：無所謂啦，身體要緊，無人情味公司就早啲知道早啲離開，重新出發！
網民：佢而家畀你嘅係基本，如果不合理解僱應該要賠多份錢！
網民：公道啲講，公司要炒人其實好正常，只係揀咗炒你啫。如果解僱員工後可能被員工成功告入，我諗無人會開公司。
網民：就算去到勞工處，老闆可以用其他理由炒你啫，例如工作表現唔達標呢啲……
網民：總之而家好多衰老細，炒人無所不用其極。
網民：而家呢個時勢無人情味，老闆眼中只當員工係搵錢工具，請保重！
網民：我而家隔離緊，我都驚會收大信封！

病假期間解僱員工屬違法　勞福局：因隔離解僱或為不合理解僱

不少網民留言關注事主公司是否觸犯法例，但根據事主說法，其解僱信在返回工作崗位後收到，或會出現爭議。根據《僱傭條例》（香港法例第57章），除因僱員犯嚴重過失而將其即時解僱外，僱主不可在僱員放取有薪病假期間解僱該僱員。僱主如違反相關規定，即屬違法，僱主可被檢控，一經定罪，最高可被罰款10萬元。

勞工及福利局曾於1月25日發文，提醒僱主不應因僱員受隔離檢疫、限制與檢測宣告及強制檢測公告影響而將該僱員解僱，否則或會構成不合理解僱。

網民慨嘆：現時難講人情味

不少網民慨嘆現時企業難與打工仔談及人情味，因為僱主本來都自身難保，但許多人鼓勵事主要振作，要在未來重新出發。另有人留言指：「早啲知道公司無人情味，就早啲離開。」

另有網民指事主公司解僱決定奇怪，因為「中過招後，正常會有抗體，應該比未中招（的人）更加安全。」

延伸閱讀：【職場熱話】打工仔想WFH 卻被迫放無薪假 法例原來咁樣講
延伸閱讀：【新冠肺炎】確診Omicron要隔離幾耐先可以返工？跟最新防疫政策教你計算隔離日數
延伸閱讀：【職場私隱】公司四圍裝有高清閉路電視　網民：咁似監獄

⏩⏩  需要請人？立即刊登招聘廣告！  ⏪⏪