Next
【假期自主】服務業主管拒絕員工指定假期 打工仔猶豫是否合法
【假期自主】服務業主管拒絕員工指定假期 打工仔猶豫是否合法
2022-10-25
普遍服務業從業員需要輪班工作，何時上班下班、例假日期由主管決定。雖然服務員可向主管要求例假日，但允許請求只是人情。例假沒權選擇，但年假是否必定有得揀呢？最近，社交媒體專頁「奴工處」有一服務業打工仔悲呼，指控上司不願讓下屬指定年假日期，懷疑相關做法有否牴觸法例。
延伸閱讀：【公眾假期】2023年請假出遊攻略 請3日放10日嘅機會有3次！
即睇事主分享與網民回應：（按圖了解）
事主：小弟做服務業，阿姐話平時放假肯畀我哋揀假已經好仁慈啦，正常出面公司唔會畀員工揀，公司指定放邊日就邊日。佢然後仲話，就算放大假，出面公司都唔會有得揀，正常係公司話事邊日放大假先有得放，唔輪到員工話幾時放就幾時放咁冇規矩。我想問係咪世界變咗？定阿姐變態？
網民：服務業唔係員工大過阿姐？請唔到人佢都幾頭痛，咁講規矩就返office啦！
網民：勞工法例咁講，不過大多數公司唔會咁做，否則請唔到人。
網民：公司無錯，不過留唔留到人係另一件事。
網民：我知有公司係唔畀揀假，不過我唔會做囉！
網民：聽過有公司做大陸生意，要求新年跟大陸放，咁就已經扣晒所有大假。
網民：法律上公司有權要求邊幾日放大假，實際上公司最多指定兩三日，再多嘅等於逼人轉工。
網民：咁都叫放假咩？咁咩叫大假係咪要勞工處確認一下法定假期定係應該立例全部跟政府法定假期日子正日放。
網民：唔緊要。你咪SL囉！以前我公司唔畀我哋放，我哋咪集體SL。阿姐對住間吉鋪，又唔識煮、又唔識沖嘢飲畀客，最後被老闆鬧，以後咪對我哋好好多囉！我哋當年藉口係大家去同一間餐廳食嘢，集體食物中毒。
網民：香港奴工文化係咁㗎！阿姐老實講出口啫，大家都知係畸形㗎，不過有利益嘅唔願改咋嘛。尤其係大家口講冇睇唔起嘅行業，呢幾行遍地6日工，7日大假，勞工假同大假幾時放，公司話事。
年假日期僱主訂 員工自訂屬「福利」
員工有權選擇年假日期看似是人之常情，而事主則猶豫上司是否牴觸法例，但其實本港勞工法例並沒有賦予僱員有選擇年假日期的權利，最終決定權由僱主決定。《僱傭條例》第41AA條列明，「所給予的年假時間，由僱主經徵詢有關僱員或其代表後決定。」從此可見，在法例最低標準下，僱主有權決定僱員年假的所有日期，僱員只可以提出意見，所以自訂年假日期屬於高於法定標準的「員工福利」。當然，這是否是一種福利就見仁見智。
網民：跟法例最低標準難請人
不少網民無奈地向事主表示，其上司並無違反法例，但指摘這個做法不近人情，更直言如遇到這類公司，「我唔會做囉！」從網民留言可見，幾乎所有人都不認同企業只根據法例最低標準提供員工福利，相信這些企業都難以聘請有質素的員工。
年假自選、有薪病假係必然？轉工記得留意打工仔對假期政策嘅3大常見誤解（按圖了解）
法例要求當員工福利？網民齊數招聘廣告最過分員工福利，有MPF都當福利？（按圖了解）
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
延伸閱讀：【Annual Leave】請假卻遭老闆「提醒」 打工仔嘆：佢話我放假影響公司運作成本⋯⋯
延伸閱讀：【勞工法例】試用期內確診新冠肺炎 隔離期間有冇有薪病假？
延伸閱讀：【無薪假期】員工請無薪假原因無厘頭 《僱傭條例》下僱主有權拒絕申請？
🌟免費「銀行業前線職位懶人包」🌟
CTgoodjobs特別為有意投身銀行業的打工仔準備「銀行業前線職位懶人包」，內容涵蓋銀行櫃員、客戶關係經理及分行經理的職責、入職門檻、晉升階梯及月入中位數等實用資訊，還提供市場上熱門職位空缺，幫你裝備好自己，入行無難度！
立即按此下載：https://bit.ly/3DCfVPj
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!