Next
【職場熱話】冇啦啦畀上司針對 做乜都會畀佢鬧一餐…… 事主：我係咪得返辭職呢條路？
【職場熱話】冇啦啦畀上司針對 做乜都會畀佢鬧一餐…… 事主：我係咪得返辭職呢條路？
2023-09-26
與同事保持良好關係，不但使工作氣氛融合，而且上班亦可與同事閒聊解悶。若然與上司或老闆有良好關係，更有機會平步青雲，獲得不錯的薪酬以及職位，反之亦然。有網民在連登討論區大呻受到上司莫名的針對，替他辦事亦會照樣責罵，每天都承受着龐大的精神壓力，詢問網民意見應否留下還是盡快離職。
延伸閱讀：【職場健康】返工覺得大壓力 精神健康越嚟越差？5個貼士改善精神健康！
按圖了解事主及網民回應：
事主：份工做咗大約半年，但個直屬上司好似一路都唔太妥我！成日幫佢做嘢都會畀佢鬧點解少少嘢都做咁耐。上星期有日請咗病假，事後聽同事講返，上司喺office話終於唔使見到我。聽完即刻覺得好大壓力，本身返工已經成日覺得好焦慮，每日都好驚做錯嘢！人工幾好嘅，但係咪應該辭職好啲？好驚做落去會有心理病……
網民A：快啲辭！佢睇你唔順眼嘅話，你做乜都係錯，差在幾時炒你！
網民B：申請調team啦，調唔到就直接resign！
網民C：打份工啫，又唔係要過世！唔開心咪搵過第二份。
網民D：你都可以日日射波、遲到、早退同失蹤，搏返佢炒你！
網民E：上司唔鍾意你，你職場注定冇運行。如果冇負擔可以隨時轉工的話，最好而家開始搵工，否則就調節自己心態。其實炒人煩過請人，臉皮厚唔犯大錯應該唔會冇啦啦炒你。
網民F：有啲人唔鍾意你係唔使原因！人哋討厭你唔代表你一定有問題，但記得如果太辛苦就開始搵工啦！沒乜大不了的，共勉之！
網民G：如果你真係有料嘅，佢幾唔妥你都要逼住同你合作。
網民H：佢鬧你嗰陣可以試吓陰陰嘴笑，玩返佢轉頭！
網民I：唔好返工返到咁上心，條team同公司都冇你份。唔開心咪hea做。鬧你當耳邊風 炒你咪收多個月糧然後走人。
網民J：你上司都有上司，佢唔公平對你都要同人交代。唔怕咪試吓同佢撐到底，睇吓上司嗰上司點處理！
網民K：就咁睇你打出嚟嘅字，好似都有啲焦慮症嘅感覺，睇睇醫生好喎！
延伸閱讀：【被炒原因】被解僱全因1種特質？網民安慰：你值得更好！
網民大致分為兩派：一派認為及早辭職，無需因遭到上司針對而為難自己，影響精神健康，使自己陷入情緒病之中；別一派則建議事主可以勇敢對抗，或者無視上司的責備，不要讓他得寸進尺，繼續無理針對。即使公司決定即時解僱，亦可以獲得代通知金。
若然打工仔察覺到自己或同事精神健康出現異樣，謹記尋找心理醫生或精神科醫生，及早獲得適合適當治療。
職場遭到欺凌，打工仔切勿啞忍，縱容施暴者的行為。發生職場欺凌，打工仔應該如何應對，不妨參考以下方法，向欺凌說「不」！（按圖即看5招應對方法）
延伸閱讀：【離職原因】做過嘅公司執笠、倒閉！打工仔呻：面試唔知點同HR解釋……
不少打工仔都會患上「返工驚恐症」，對上班感到害怕不安。按圖了解網民對「返工驚恐症」的回應。
延伸閲讀：【職場文化】成team人一齊「射波」好壯觀！網民：上下一心好難得！
最新專訪片︰
【SHE Says】拒認「女強人」 盼望與員工共同成長 太古酒店集團人才與文化總監陳昭彤：擁有生活的熱情，才會更投入於工作！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!