【見工面試】37歲翻譯碩士畢業失業五個月 求職無門感氣餒 事主：碩士包袱太重……

近年香港大學畢業生面臨就業市場挑戰，部分人認為「愈高學歷愈難搵工」，但實際情況較為複雜。根據2025年首季大學聯校就業資料庫（JIJIS）數據，香港大學畢業生招聘職位空缺大幅減少，跌幅超過52%，尤其是零售、酒店、旅遊等傳統客戶服務類職位空缺銳減超過90%。這反映出部分行業對高學歷畢業生的需求下降，令求職競爭更激烈。

網民在網上平台「Threads」上發文表示今年37歲，是一位翻譯學系的碩士畢業生。即使在高學歷「加持」下，仍然失業五個月。即使面試過後已有Offer，但最後也會收到HR的來電指因公司預算問題，不能聘用事主，「衰收尾」。事主大感「碩士包袱太重」，待業5月令人完全迷失方向，求助網友意見。

即睇「碩士包袱」如何搵工難！（按圖了解）

+19

+18

事主：搵工搵到灰！

本人今年37，翻譯碩士畢業，失業五個月，不斷搵，一直得個in字，好笑嘅係早排收到offer，過兩日間公司打嚟話因為Cut Budget而唔請，而家真係灰到不行。

我知衰，做嘢12年，好多行都做過，翻譯、Copywriting、Marketing、物業管理、飲食、零售、CS，無份工做得長。最長嗰份得1年多少少，唔過Probation嘅四五份。而家CV都係一直作自己係Freelance！

適應力低、Multitasking差，中招之後記性都差埋。平日仲要嫌辛苦，雖然鍾意煮嘢食，但飲食真係太辛苦，講到尾碩士呢個包袱都係太重！

我要求唔高，都係搵入行門檻低嘅工，例如CS、物業管理，Fresh Grad Welcome嗰啲照apply，開Fresh Grad價。

自問語文好，大專教書同補習都有試。Copywriting都有apply，但而家興AI，所以唔想再寫字。無專業資格，讀言語治療碩士要50個，而且讀完都40歲！太遲啦！

其他短Course（例如ERB嗰啲）讀完出嚟人工又好低，呢個年紀同學歷要捱實在太難！

完全迷失方向，亦唔係做老闆嘅材料，到底我應該點做？

網民A：居然無好好利用你翻譯碩士身份！去法援做翻譯好好賺！

網民B：你咁多缺點！好難㗎喎！你要改變自己先生存到！

網民C：好明白你處境，有時真係愈無資歷愈易搵工！

網民D：可以考慮去送外賣？

網民E：碩士唔代表啲咩，唔好太自視過高先……

網民F：擺低你心中張證書，好好諗吓自己可以點增值自己……

網民G：語言能力好去試吓航空公司同機場工。

網民H：去補習社做名師教英文！

網民I：你唔過試用期應該要諗下自己工作態度

網民J：去做補習都唔得咩？

網民K：唔講學歷，只係唔過試用期一件事已經證明你個人有問題！

面對變化多端的就業市場，求職者需具備靈活調整心態、持續學習和提升多元能力的意識。同時，社會應加強對中高齡求職者的支援，提供更多職業培訓及轉型機會，幫助他們重新融入職場。任何學歷也不應該妄自菲薄，閒時多增值不同的技能，開拓更多可能性。

延伸閱讀：【見工面試】CV註明技能「三分線起跳完成三步上籃」 哭笑不得HR：我只係請緊普通文員！

+11

+10

延伸閱讀：【職業生涯】24歲轉埋行都只得2萬人工 感後悔叫價太低事主：我呢個年紀市價幾多？

延伸閱讀：【見工面試】返合約工都被HR質問點解咁jumpy！網民怒斥：做得短又嫌 做得長又覺得你冇競爭力！

►最新【政府/公共機構】職位空缺

►最新【行政】職位空缺   

►最新【銀行/金融】職位空缺  

►最新【非政府組織/社福】職位空缺      

►最新【人力資源】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪